'ఖిలాడీ' కామ్ గా ఉన్నాడేంటి? ప్ర‌మోష‌న్ ఇంకెప్పుడు!

మాస్ రాజా ర‌వితేజ  వేగం గురించి చెప్పాల్సిన ప‌నిలేదు. గ‌తం తో పొల్చుకుంటే ఇప్పుడు వేగం అంత‌కంత‌కు పెరిగిపోతుంది. ఒక సినిమా సెట్స్ లో ఉండ‌గానే రెండు..మూడు ప్రాజెక్ట్ లు క‌మిట్ అయిపోతున్నాడు. వెంట‌నే వాటిని ఆన్ సెట్స్ కి తీసుకెళ్లిపోతున్నాడు. ఇచ్చిన డేట్లు ప్ర‌కారం షూటింగ్ పూర్తిచేసుకుంటూ ముందుకెళ్లిపోతున్నాడు. ప్ర‌స్తుతం ర‌వితేజ చేతిలో ఐదు సినిమాలున్నాయి. ఇట‌వ‌లే `ఖిలాడీ` చిత్రం షూటింగ్ పూర్తిచేసాడు. ఆ సినిమా ప్ర‌చార కార్య‌క్ర‌మాలు వేగంగా జ‌రుగుతున్నాయి. ఇప్ప‌టికే ఆ సినిమా పాట‌లకి శ్రోత‌ల నుంచి మంచి రెస్పాన్స్ వ‌చ్చింది.

సినిమా బాగా వ‌చ్చింద‌నే టాక్ వినిపిస్తోంది. ఈ నేప‌థ్యంలో ర‌వితేజ స్వ‌యంగా రంగంలోకి దిగి సినిమా ప్ర‌మోట్ చేస్తే మ‌రింత బ‌జ్ క్రియేట్ అవుతుంద‌ని భావిస్తున్నారు. అయితే ఈసారి `ఖిలాడీ` సినిమాకి ర‌వితేజ ఎక్కువ స‌మ‌యం కేటాయించే అవ‌కాశం లేద‌ని తెలుస్తోంది. ప్ర‌స్తుతం ర‌వితేజ `రామారావు ఆన్ డ్యూటీ`తో పాటు సుధీర్ వ‌ర్మ తెర‌కెక్కిస్తోన్న `రావ‌ణాసూర` షూటింగ్ లో బిజీగా ఉన్నాడు. ఆ రెండు సినిమాల షూటింగ్ ల‌తోనే ర‌వితేజ  క్ష‌ణం ఖాళీ లేకుండా గ‌డుపుతున్నాడు. `ధ‌మాకా` చిత్రం కూడా ఆన్ సెట్స్ లో ఉంది. అయితే ఆ సినిమా షూటింగ్ కి తాత్కాలికంగా బ్రేక్ ప‌డింది.

లేదంట ఒకేసారి మూడు సినిమాల షూటింగ్ ల‌తో బిజీ అయ్యేవాడు. ఫిబ్ర‌వ‌రి 11న `ఖిలాడీ `రిలీజ్ చేస్తున్నారు. ఈ నేప‌థ్యంలో హీరోయిన్లు డింపుల్ హ‌య‌తి..మీనాక్షి చౌద‌రి ప్ర‌చారం ప‌నుల్లో బిజీ అయ్యారు. ర‌వితేజ మాత్రం ఇంకా సీన్ లోకి రాలేదు.

ఒక‌వేళ వ‌చ్చినా ఎక్కువ స‌మ‌యం కేటాయించే అవ‌కాశం లేదని తెలుస్తోంది. స‌మయం ద‌గ్గ‌ర‌ప‌డుతోన్న నేప‌థ్యంలో ప్ర‌మోష‌న్ క‌మిట్ మెంట్ ఉందా?  లేదా? అన్న సందేహాలు మొద‌ల‌య్యాయి.