అనుష్క కి అడ్డుతగిలిన కుర్ర హీరో

జనవరి నెలంతా సినిమా సీజన్ అని భావిస్తారు మన మేకర్స్. జనవరి 1 నుండి 31 వరకూ దొరికిన డేట్స్ కి సినిమాను రిలీజ్ చేయాలనీ చూస్తుంటారు. ఇక సంక్రాంతికి ఎలాగో మూడు నాలుగు సినిమాలు ఉంటాయి కాబట్టి నెలాఖరున కొన్ని సినిమాలు రిలీజ్ ఫిక్స్ చేసుకుంటాయి. ఇప్పటికే జనవరి 24 న రవి తేజ 'డిస్కో రాజా . 31న అనుష్క 'నిశ్శబ్దం' డేట్స్ లాక్ చేసేసుకున్నాయి.

అనుష్క నుండి ఏడాది గ్యాప్ తర్వాత వస్తున్న సినిమా కావడంతో జనవరి 31 న సోలో రిలీజ్ అయ్యేలా మేకర్స్ ప్లాన్ చేసుకున్నారు. అయితే ఇప్పుడదే డేట్ కి నాగ శౌర్య 'అశ్వత్థామ' రిలీజ్ అవుతుంది. తాజాగా డేట్ ని ఫైనల్ చేసి ప్రకటించారు.

అయితే నాగ శౌర్య సినిమా వల్ల అనుష్క సినిమాకి పెద్దగా ఎఫెక్ట్ ఉండకపోవచ్చు కానీ అంతో ఇంతో ఓపెనింగ్స్ లో తేడా వచ్చే అవకాశం ఉంది. రెండు సినిమాల ఛాయిస్ ఉన్నప్పుడు ఎవరికి నచ్చిన సినిమాకి వారు వెళ్లడం సహజమే.