సోగ్గాడు శోభన్ బాబుతో యంగ్ విక్టరీ వెంకీ.. ఫోటో వైరల్!!

తెలుగు చిత్రపరిశ్రమలో అలనాటి హ్యాండ్సమ్ హీరో సోగ్గాడు శోభన్ బాబు అంటే తెలుగు ప్రేక్షకులలో క్రేజ్ మాములుగా ఉండేది కాదు. అలనాటి స్టార్ హీరోలు ఎన్టీఆర్ ఏయన్నార్ కృష్ణ లతో పాటు దశాబ్దాల కాలంపాటు వందల సినిమాలతో అలరించిన ఘనత శోభన్ బాబు దక్కించుకున్నారు. అటు నటన పరంగాను ఇటు వ్యక్తిత్వం పరంగాను శోభన్ బాబు ప్రత్యేకమైన గుర్తింపు తెచ్చుకున్నారు. మరి ఆరోజుల్లో ఆయనకున్న లేడీ ఫాలోయింగ్ ఏ హీరోకి లేదంటే నమ్మకతప్పదు. ఓవైపు లవర్ బాయ్ గా.. ఇటు ఎమోషనల్ హీరోగా శోభన్ బాబు ప్రేక్షకుల మనసుల్లో స్థానం సంపాదించుకున్నారు. శోభన్ బాబు స్టార్ హీరోగా ఉన్న టైంలోనే.. చిరంజీవి, బాలకృష్ణ, వెంకటేష్, నాగార్జున లాంటి వారు యంగ్ హీరోలుగా ఉన్నారు.

అయితే శోభన్ బాబుకు సంబంధించిన సినిమా ఇంటర్వ్యూలు, వీడియోలు ప్రస్తుతం అందుబాటులో లేవట. కానీ అప్పుడప్పుడు ఆయనకు సంబంధించిన ఫోటోలు బయటికి వస్తుంటాయి. తాజాగా శోభన్ బాబుతో వెంకటేష్ నవ్వుతూ చేతులు కలిపిన ఫోటో ఒకటి సోషల్ మీడియాలో వైరల్ అవుతోంది. ఆ ఫోటోలో శోభన్ బాబు, వెంకటేష్ ఇద్దరూ కూడా ఏదో సినిమా వేడుకలో పాల్గొన్నట్లుగా అర్ధమవుతుంది. ఈ ఫోటో చూస్తే ఆనాటి శోభన్ బాబు మళ్లీ గుర్తొస్తున్నాడని నేటిజన్లు అభిప్రాయాలు వ్యక్తం చేస్తున్నారు. నిజానికి శోభన్ బాబు సినిమా అంటే అప్పట్లోనే ప్రేక్షకుల్లో భారీ అంచనాలు ఉండేవి. ఒక్కోసారి ఏడాదికి పదుల సంఖ్యలో సినిమాలు చేసిన ఘనతలు కూడా ఆయన ఖాతాలో ఉన్నాయట. కానీ శోభన్ బాబు హీరోగా ఉన్నప్పుడే రిటైర్మెంట్ తీసుకోవడం అనేది షాకింగ్ విషయం. ఏదైతేనేం మరోసారి ఈ ఫోటో సోగ్గాడు శోభన్ బాబును గుర్తుచేసింది.