బాలయ్య, బన్నీ... మొదట ఎవరితో?

యాక్షన్ చిత్రాల దర్శకుడు బోయపాటి శ్రీను అఖండ తర్వాత కాస్త ఎక్కువ గ్యాప్ తీసుకుని స్కంద సినిమాతో ప్రేక్షకుల ముందుకు వచ్చాడు. ఆ సినిమా బాక్సాఫీస్ వద్ద నిరాశ పరిచింది. దాంతో బోయపాటి మళ్లీ బాలయ్య తో సినిమా చేసే అవకాశాలు ఉన్నాయనే ప్రచారం జోరుగా సాగింది.

అలాంటి సమయంలో గీతా ఆర్ట్స్ నుంచి బోయపాటి హీరోగా ఒక సినిమా ఉంటుంది అంటూ అధికారిక ప్రకటన వచ్చింది. అల్లు అరవింద్ ఇప్పటికే బోయపాటి రెడీ చేసిన స్టోరీ లైన్ కు ఓకే చెప్పాడు. దానికి సంబంధించిన స్క్రిప్ట్‌ వర్క్ జరుగుతుందనే ప్రచారం ఆ మధ్య జరిగింది.

బోయపాటి దర్శకత్వంలో అల్లు అరవింద్ నిర్మించబోతున్న సినిమా హీరో ఎవరా అనే విషయమై ఇంకా క్లారిటీ రాలేదు. కానీ అల్లు అర్జున్‌ తోనే బోయపాటి సినిమా ఉంటుందనే ప్రచారం జరుగుతోంది. అధికారిక ప్రకటన మాత్రం రావాల్సి ఉంది. ఇదే సమయంలో బాలయ్య తో బోయపాటి సినిమాకు ఏర్పాట్లు జరుగుతున్నాయని కూడా వార్తలు వస్తున్నాయి.

పుష్ప సినిమా తో అల్లు అర్జున్ బిజీగా ఉన్నాడు. ఇటీవల పుష్ప 3 ఉంటుందని కూడా వార్తలు వస్తున్నాయి. అంటే కనీసం మరో ఏడాదిన్నర వరకు బన్నీ అందుబాటులోకి వచ్చే అవకాశం లేదు. అందుకే బాలకృష్ణ తో మొదట బోయపాటి సినిమా చేసే అవకాశాలు ఉన్నాయని, అందుకోసం కథ చర్చలు జరుగుతున్నాయని తెలుస్తోంది.

సింహా, లెజెండ్‌, అఖండ సినిమాలతో బాలయ్య, బోయపాటి కాంబో హ్యాట్రిక్ దక్కించుకున్న విషయం తెల్సిందే. అందుకే ఇప్పుడు ఆ కాంబోలో మరో మూవీ కోసం ప్రేక్షకులు ఎదురు చూస్తున్నారు. బాలయ్య కూడా బోయపాటితో సినిమాకు ఎప్పుడు కూడా రెడీగానే ఉంటాడు. అందుకే మొదట వీరి కాంబోలో మూవీ వచ్చే అవకాశాలు ఉన్నాయని విశ్లేషకుల అంచనా. బోయపాటి నుంచి అధికారికంగా క్లారిటీ రావాల్సి ఉంది.