భగవంత్ కేసరి.. ఫైట్ల రిపోర్ట్ ఇది..

బాలకృష్ణ హీరోగా అనిల్ రావిపూడి దర్శకత్వంలో తెరకెక్కి ప్రేక్షకుల ముందుకి రాబోతున్న చిత్రం భగవంత్ కేసరి. భారీ బడ్జెట్ తో కమర్షియల్ యాక్షన్ ఎంటర్టైనర్ గా ఈ చిత్రాన్ని దర్శకుడు సిల్వర్ స్క్రీన్ పై ఆవిష్కరించారు. బాలయ్య కెరియర్ లోనే హైయెస్ట్ బడ్జెట్ ఈ మూవీ కోసం ఖర్చు పెట్టారు. కాజల్ అగర్వాల్ ఈ చిత్రంలో హీరోయిన్ గా నటిస్తోంది. శ్రీలీల బాలకృష్ణ కూతురిగా కీలక పాత్రలో కనిపించబోతోంది.

ఇదిలా ఉంటే బాలయ్య సినిమా అంటనే ఫ్యాన్స్ భారీ యాక్షన్ సీక్వెన్స్ కచ్చితంగా ఎక్స్ పెక్ట్ చేస్తారు. అలాగే అనిల్ రావిపూడి నుంచి ఎంటర్టైన్మెంట్ కోరుకుంటారు. ఈ రెండు కూడా భగవంత్ కేసరి చిత్రంలో కరెక్ట్ గా సెట్ అయినట్లు ఇప్పటికే దర్శక క్లారిటీ ఇచ్చేశారు. తాజాగా ఈ మూవీలో ఫైట్ సీక్వెన్స్ గురించి ఇంటరెస్టింగ్ న్యూస్ బయటకొచ్చింది.

ఫస్ట్ హాఫ్ లో రెండు ఫైట్స్, సెకండ్ హాఫ్ లో రెండు ఫైట్స్ ఉంటాయంట. వీటిలో ఇంటర్వెల్ బ్యాంగ్ లో వచ్చే ఫైట్ సీక్వెన్స్ మూవీకి హైలైట్ గా నిలుస్తుందని తెలుస్తోంది. అలాగే జైలు బ్యాక్ డ్రాప్ ఫైట్ ఫస్ట్ హాఫ్ లోనే ఉంటుందంట. సెకండ్ ఆఫ్ లో ఫారెస్ట్ లో ఒక భారీ ఫైట్ సీక్వెన్స్ ని డిజైన్ చేసారంట. క్లైమాక్స్ ఫైట్ కూడా నెక్స్ట్ లెవల్ లో ఉంటుందని, ఆడియన్స్ ఫుల్ గా ఎంజాయ్ చేస్తారని వినికిడి.

బాలయ్య నుంచి ఫ్యాన్స్ కోరుకునే రేంజ్ లోనే దేనికవే ప్రత్యేకంగా ఈ ఫైట్ సీక్వెన్స్ ని అనిల్ రావిపూడి తెరకెక్కించారంట. కచ్చితంగా ఆడియన్స్ కి పూనకాలు తెప్పించడం గ్యారెంటీ అనే మాట వినిపిస్తోంది. అక్టోబర్ 19న ప్రపంచ వ్యాప్తంగా రిలీజ్ కాబోతున్న ఈ చిత్రం ఎలాంటి సక్సెస్ ని అందుకుంటుంది అనేది మరొక్క రోజులో తెలిసిపోనుంది.

ఈ మూవీ సక్సెస్ అయితే మాత్ర బాలకృష్ణ హ్యాట్రిక్ హిట్స్ ని తన ఖాతాలో వేసుకుంటాడు. గత కొన్నేళ్ళ నుంది బాలయ్య కెరియర్ లో హ్యాట్రిక్ హిట్స్ అంటూ లేవు. ఒక సినిమా హిట్ అయితే తరువాత రెండు మూడు ఫ్లాప్ లు పలకరిస్తూ వచ్చాయి. అయితే అఖండ, వీరసింహారెడ్డిలతో వరుస రెండు హిట్స్ కొట్టాడు. ఇప్పుడు భగవంత్ కేసరితో మూడో హిట్ కోసం వెయిట్ చేస్తున్నాడు.