షూటింగ్‌లో 450 షాట్లు మిస్సింగ్.. షాక్‌లో దర్శకుడు
తాను షాక్ అయ్యానని, దాదాపు 150 మంది టెక్నీషియన్లు 4 రోజుల పాటు సినిమా షాట్‌ల కోసం వెతికార‌ని, ఆ తర్వాత ఏదోలా వాటిని పట్టుకున్నారని చెప్పారు.
బ్లాక్ బ‌స్ట‌ర్ మూవీ చంద్ర‌ముఖికి సీక్వెల్ తెర‌కెక్కుతున్న సంగ‌తి తెలిసిందే. ఈ సీక్వెల్ సెప్టెంబర్ 28న థియేటర్లలో విడుదల కానుంది. పి. వాసు దర్శకత్వం వహించిన ఈ చిత్రంలో రాఘవ లారెన్స్- కనగా రనౌత్ ప్రధాన పాత్రల్లో నటించారు. ఈ సినిమా మొదట సెప్టెంబర్ 15న విడుదల కావాల్సి ఉండగా, ఆ తర్వాత వాయిదా పడింది. ఇటీవల జరిగిన విలేకరుల సమావేశంలో చిత్ర దర్శకుడు పి.వాసు మాట్లాడుతూ.. సినిమా షూటింగ్‌లో 450 షాట్లు కనిపించకుండా పోయాయని, దీంతో రిలీజ్ విడుదల వాయిదా పడిందని వెల్లడించారు.
ఫుటేజ్ మిస్సయిందని తెలియగానే ఏం చేయాలో తోచలేదని దర్శకుడు చెప్పాడు. తాను షాక్ అయ్యానని, దాదాపు 150 మంది టెక్నీషియన్లు 4 రోజుల పాటు సినిమా షాట్‌ల కోసం వెతికార‌ని, ఆ తర్వాత ఏదోలా వాటిని పట్టుకున్నారని చెప్పారు.
సకాలంలో షాట్‌లను ఎడిట్ చేయలేకపోయారని, దీని వల్ల సినిమా విడుదల 15 రోజులు ఆలస్యమైందని ఆయన చెప్పారు. ఇప్పుడు సెప్టెంబర్ 28న సినిమాని విడుదల చేస్తున్న సంగ‌తి తెలిసిందే.
'చంద్రముఖి 2'లో కంగనా రనౌత్ టైటిల్ రోల్‌లో నటిస్తుండగా, రాఘవ లారెన్స్ వేట్టైయన్ రాజాగా నటించారు. వడివేలు మురుగేషన్‌గా ప్రీక్వెల్ నుండి అతని స్పిన్-ఆఫ్ పాత్రను పోషించారు. వెట్టైయన్ రాజా రాజ్యంలో చంద్రముఖి ఆస్థాన నర్తకిగా ఎలా మారిందనే కథాంశంతో ఈ చిత్రానికి సీక్వెల్ తెరకెక్కింది. సినిమాలోని మిగిలిన తారాగణంలో రాధికా శరత్‌కుమార్, మహిమా నంబియార్, లక్ష్మీ మీనన్ , శ్రుతి డాంగే ఉన్నారు. ఈ చిత్రానికి ఎంఎం కీరవాణి స్వరాలు సమకుర్చారు.