మహారాణి పాత్ర ఎలా వచ్చిందంటే: రష్మిక!

మారాటా చక్రవర్తి ఛత్రపతి శివాజీ కుమారుడు సంభాజీ మహారాజ్ జీవితకథ ఆధారంగా తెరకెక్కిన పీరియడ్ డ్రామా ‘చావా’ నేడు ప్రేక్షకుల ముందుకు వచ్చింది. సంభాజీ పాత్రలో బాలీవుడ్ నటుడు విక్కీ కౌశల్ నటించగా, మహారాణి యేసుభాయిగా నేషనల్ క్రష్ రష్మిక మందన్నా నటించింది. ఈ సందర్భంగా రష్మిక ఇన్‌స్టాగ్రామ్‌లో షేర్ చేసిన ఎమోషనల్ నోట్, ఫోటోలు నెట్టింట వైరల్ అవుతున్నాయి.

రష్మిక తన పోస్ట్‌లో, 'మిమి' సినిమా చూసిన తర్వాత దర్శకుడు లక్ష్మణ్ ఉటేకర్‌కు మెసేజ్ పెట్టానని, ఆ సందర్భమే తనకు ‘చావా’లో యేసుభాయి పాత్ర దక్కే దారిని తెరిచిందని తెలిపారు. “లక్ష్మణ్ సర్ నాకు కాల్ చేసి, తదుపరి సినిమాలో మీటింగ్‌కు రమ్మని అన్నారు. అది కేవలం కరెక్ట్‌నెస్ అని అనుకున్నా.. కానీ ఆ మీటింగ్ నిజంగానే జరిగింది. ఈ అవకాశం రావడం పట్ల చాలా సంతోషంగా ఉంది” అంటూ రష్మిక ఎమోషనల్‌గా వెల్లడించారు.

సౌత్ ఇండియాకు చెందిన గొప్ప మహిళగా గుర్తింపు పొందిన, మహారాష్ట్ర మహారాణి యేసుభాయిగా నటిస్తాను అని నా కలలో కూడా ఊహించలేదు. కానీ, మన కలలకన్నా విశ్వం గొప్పది. అందుకే ఎప్పుడూ కొత్త సవాళ్లను స్వీకరించాలి.. అంటూ రష్మిక తన పోస్ట్‌లో రాశారు. యేసుభాయి పాత్ర ఆమెకు జీవితంలో గొప్ప అనుభవాన్ని ఇచ్చిందని చెప్పారు.

రష్మిక షేర్ చేసిన ఫోటోల్లో ఆమె సంప్రదాయ చీరలో, ఎర్ర బొట్టుతో, పచ్చబొమ్మలతో, సాంప్రదాయ ఆభరణాలలో మహారాణిగా కనిపించారు. ఆ ఫొటోలు చూసిన ఫ్యాన్స్ “రియల్ క్వీన్” అంటూ కామెంట్స్ చేస్తున్నారు. మరో ఫొటోలో రష్మిక, దర్శకుడు లక్ష్మణ్ ఉటేకర్‌తో చర్చలు జరుపుతూ కనిపించారు.

రష్మిక తన క్యాప్షన్‌లో.. మహారాణి యేసుభాయి ప్రేమ అనేది పవిత్రం, శక్తివంతం. ఆమె ప్రేమ, గౌరవం, సతిమతత్వం మాత్రమే కాదు.. రాజుకు ఆమె సర్వం. ఇలాంటి పాత్రను పండించడం నా జీవితం లో ప్రత్యేక క్షణం.. అని వివరణ ఇచ్చింది. ఇక చావా సినిమాపై అంచనాలు గట్టిగానే ఉన్నాయి. విక్కీ కౌశల్ రష్మిక మందన్నా జంటగా, మారాటా సామ్రాజ్య నేపథ్యంలో తెరకెక్కిన ఈ పీరియడ్ డ్రామా భారీ బడ్జెట్‌తో నిర్మించబడింది. చారిత్రకంగా ప్రాముఖ్యమైన ఈ కథకు ప్రేక్షకులు ఎలా స్పందిస్తారో చూడాలి.