చిరు ప్లాన్ మిస్ ఫైర్..ఆ ప్రాజెక్ట్ మరింత ఆలస్యం!

మెగా స్టార్ చిరంజీవి ఈ ఏడాది సంక్రాంతికి వాల్తేరు వీరయ్య మూవీతో ప్రేక్షకుల ముందుకు వచ్చారు. ఈ మూవీ బాక్సాఫీసు వద్ద కాసుల వర్షం కురిపించింది. సూపర్ గా హిట్ అయ్యింది. రవితేజ తో కలిసి ఆయన స్క్రీన్ పంచుకున్నారు. విపరీతంగా ఆకట్టుకుంది. అయితే, ఆ తర్వాత నుంచి ఆయన ప్లాన్స్ ఏమీ వర్కౌట్ అవ్వడం లేదు.

భోళా శంకర్ తో వచ్చి బాక్సాఫీసును షేక్ చేయాలని అనుకున్నారు. కానీ, ఈ సినిమా బోల్తా పడింది. కనీసం మెగా ఫ్యాన్స్ ని కూడా ఈ మూవీ అలరించకలేపోయింది. దీంతో, ఆయన చాలా ఢీలా పడిపోయారు. అయితే, వచ్చే ఏడాది సంక్రాంతికి మరో సినిమా తో వచ్చి దీనిని భర్తీ చేయాలని అనుకున్నారు. కానీ, ఆ ప్లాన్ కూడా ఇప్పుడు బోల్తా పడినట్లు తెలుస్తోంది.

చిరు, బంగార్రాజు ఫేమ్ కళ్యాణ్ కృష్ణ తో మూవీ చేయాలని ఎప్పుడో అనుకున్నారు. ఈ మూవీ గురించి ఆల్రెడీ ఓ ప్రకటన కూడా చేశారు. అయితే, ఆ మూవీ కథలో బేధాభిప్రాయాలు వచ్చాయి. ముందు ఓ రీమేక్ మూవీ అనుకున్నారట. కానీ, బోళా శంకర్ రీమేక్ తేడా కొట్టడంతో, కొత్త కథతో రావాలని చిరు భావించారు. అందుకే, కొత్త కథ కోసం కసరత్తులు మొదలయ్యాయి.

ఇప్పటి వరకు కథ కన్ఫామ్ కాలేదు. అంతేకాకుండా, రీసెంట్ గా చిరు మోకాలి సర్జరీ చేయించుకున్నారు. దీంతో, కథ ఒకే అయినా కూడా, ఇప్పట్లో చిరు షూటింగ్ లో పాల్గొనే అవకాశం లేదని తెలుస్తోంది. దీంతో, వచ్చే ఏడాది సంక్రాంతి సమయానికి కళ్యాణ్ కృష్ణ దర్శకత్వంలో చిరు సినిమా వచ్చే అవకాశం లేదని తెలుస్తోంది. ఇంకేముంది చిరు సంక్రాంతి ఆశలన్నీ ఆవిరి అయిపోయాయి. ఒకవేళ మెగాస్టార్ కు నచ్చేలా కథ సెట్ అయినా కూడా ప్రాజెక్టు సంక్రాంతికి వచ్చే ఛాన్స్ అయితే లేదు. ప్లాన్ సెట్టయితే 2024 సమ్మర్ లోనే కళ్యాణ్ కృష్ణ ప్రాజెక్టు వచ్చే అవకాశం ఉంటుంది.

మరోవైపు, చిరంజీవి బింబిసార దర్శకుడు వశిష్ట తో మరో సినిమా చేస్తున్నారు. ఇది సోషియో ఫాంటసీ కథగా ప్రేక్షకుల ముందుకు రానుంది. మొదటిసారి చిరు సినిమా పాన్ ఇండియాగా తెరకెక్కుతోంది. ఈ మూవీ మొదలు అవ్వడానికి కూడా కొంత సమయం పట్టే అవకాశం ఉంది.