క్లిక్ శంక‌ర్ గా స్టార్ హీరో!

టాలీవుడ్ లో శంక‌ర్ గా చాలా మంది స్టార్ హీరోల్ని చూసాం. శంక‌ర్ అనే టైటిల్స్ తో ర‌క‌ర‌కాల సినిమాలు రిలీజ్ అయ్యాయి. అవి మంచి ఫ‌లితాలు సాధించాయి. తాజాగా 'క్లిక్ శంక‌ర్' అంటూ మ‌రో స్టార్ హీరో కొత్త సినిమా షురు చేసాడు. కానీ ఇది టాలీవుడ్ సినిమా కాదండోయ్. బాలీవుడ్ లో తెర‌కెక్కుతున్న చిత్రం. అవును క్లిక్ శంక‌ర్ అంటూ బాలీవుడ్ స్టార్ సైఫ్ అలీఖాన్ హీరోగా ఈ సినిమా తెర‌కెక్కుతుంది. ధ‌నుష్ కి 'మారి' లాంటి భారీ విజ‌యాన్ని అందించిన త‌మిళ ద‌ర్శ‌కుడు బాలాజీ మోహ‌న్ ఈ చిత్రాన్ని తెర‌కెక్కిస్తు న్నారు.

స‌స్పెన్స్ -కామెడీ నేప‌థ్యంలో ఈ చిత్రాన్ని రూపొందిస్తున్నారు. సైఫ్ అలీఖాన్ గ‌తంలో ఎన్న‌డు పోషించ‌నటి వంటి డిఫ‌రెంట్ పాత్ర పోషిస్తున్నాడుట‌. ఇంత‌వ‌ర‌కూ ఆయ‌న కెరీర్ లో ఇలాంటి రోల్ చేయ‌లేద‌ని చెబుతున్నారు. ఇదే సినిమాతో బాలీజీ మోహ‌న్ బాలీవుడ్ లో అడుగు పెడుతున్నారు. ఇంత‌వ‌ర‌కూ ఆయ‌న హిందీలో సినిమాలు చేయ‌లేదు. కేవ‌లం త‌మిళ్ లోనే కొంత మంది హీరోల‌తో ప‌నిచేసారు. ఈ నేప‌థ్యంలో బాలీవుడ్ లో ఇది మంచి డెబ్యూ అవుతుందని ఆశిస్తున్నారు.

ఇక సైఫ్ అలీఖాన్ బాలీవుడ్ తో పాటు సౌత్ లోనూ బిజీగా ఉన్న సంగ‌తి తెలిసిందే. గ‌తే ఏడాది నుంచి ద‌క్షిణాది సినిమాలు షురూ చేసారు. స్టార్ హీరోల చిత్రాల్లో విల‌న్ పాత్ర‌లు పోషిస్తున్నారు. ఇప్ప‌టికే 'ఆదిపురుష్' చిత్రంలో విల‌న్ గా న‌టించిన సంగ‌తి తెలిసిందే. అలాగే యంగ్ టైగ‌ర్ ఎన్టీఆర్ 'దేవ‌ర‌'లోనూ విల‌న్ పాత్ర పోషిస్తున్నాడు. తార‌క్ పాత్ర‌కి ఎంతో ధీటుగా ఈ పాత్ర‌ని కొర‌టాల డిజైన్ చేసాడు.

ఇందులో పాత్ర‌లు కొన్ని మృగాల కన్నా దారుణంగా ఉంటాయ‌ని కొర‌టాల వ్యాఖ్యానించారు. దీన్ని బ‌ట్టి విల‌న్ గ్యాంగ్ కి లీడ‌ర్ అయిన సైఫ అలీఖాన్ పాత్ర ఏ రేంజ్ లో ఉంటుందో ఊహ‌కి కూడా క‌ష్ట‌మే కావొచ్చు. ఈసినిమా త‌ర్వాత సైఫ్ అలీఖాన్ టాలీవుడ్ లో విల‌న్ గా బిజీ అవ్వ‌డం ఖాయ‌మంటున్నారు. విల‌న్ పాత్ర‌లంటే ఒక‌ప్పుడు హిందీ నుంచి చిన్న చిన్న న‌టుల్ని తెచ్చేవారు. ఇప్పుడు ఏకంగా పేరున్న స్టార్ల‌నే ప్ర‌తి నాయ‌కుడి పాత్ర‌ల‌కు ఎంపిక చేస్తోన్న సంగ‌తి తెలిసిందే.