దీపికా ప‌దుకొణే తో జాన్వీ పోటీ!

సీనియ‌ర్ బ్యూటీ దీపికా ప‌దుకొణే తో జూనియ‌ర్ బ్యూటీ జాన్వీ కపూర్ ని పోటీగా పెట్టొచ్చా? అదే నిజ‌మైతే ఇద్ద‌రి మ‌ధ్య త‌గ్గాఫ్ వార్ త‌ప్ప‌దా? అంటే అవున‌నే అనాలి. ఇంత‌కీ ఈ పోటీ బాలీవుడ్ లోనా? టాలీవుడ్ లో నా? అంటే! తెలుగు ప‌రిశ్ర‌మ‌నే చెప్పొచ్చు. పాన్ ఇండియా స్టార్ ప్ర‌భాస్ క‌థానాయ‌కుడిగా నాగ్ ఆశ్విన్ తెర‌కెక్కిస్తోన్న సైన్స్ ఫిక్ష‌న్ థ్రిల్ల‌ర్ `క‌ల్కి 2898` లో దీపికా ప‌దుకొణే హీరోయిన్ గా న‌టిస్తోన్న సంగ‌తి తెలిసిందే.

పాన్ ఇండియాలో భారీ అంచ‌నాల మ‌ధ్య ఈ సినిమా రిలీజ్ అవుతుంది. ఇక జాన్వీ క‌పూర్ `దేవ‌ర` సినిమా తో టాలీవుడ్ లో తెరంగేట్రం చేస్తోంది. యంగ్ టైగ‌ర్ ఎన్టీఆర్ హీరోగా కొర‌టాల తెర‌కెక్కిస్తోన్న మ‌రో పాన్ ఇండియా చిత్ర‌మిది. ఈసినిమాపై అంచ‌నాలు ఎలా ఉన్నాయో? కూడా చెప్పాల్సిన ప‌నిలేదు. ఇలా దీపిక‌-జాన్వీ ఎంట్రీ అనేది తెలుగులో ఒకేసారి జ‌ర‌గ‌డం విశేషం. అయితే ఇక్క‌డే ఇద్ద‌రి మ‌ధ్య క్లాష్ ఏర్ప‌డుతుంది.

ఇద్ద‌రు భామ‌లు రెండు సినిమాలు రిలీజ్ కి ముందే తెలుగులో కొత్త అవ‌కాశాలు అందుకుం టున్న‌ట్లు ప్ర‌చారం సాగుతోంది. ఆ ర‌కంగా చూస్తే ఇద్ద‌రి మ‌ధ్య పోటీ కూడా క‌నిపిస్తోంది. రామ్ చ‌ర‌ణ్ ఆర్సీ 16 లో హీరోయిన్ ఎవ‌రు? అన్న‌ది ఇంకా క‌న్ప‌మ్ కాలేదు. అందులో జాన్వీని తీసుకునే ప్లాన్ లో ఉన్న‌ట్లు ప్ర‌చా రం సాగుతోంది. అలాగే అమ్మ‌డికి విజ‌య్ దేవ‌ర‌కొండ స‌ర‌స‌న అవ‌కాశం క్యూలో ఉన్న‌ట్లు వినిపిస్తుంది.

మ‌రోవైపు మ‌హేష్ తొలి పాన్ ఇండియా రాజ‌మౌళి చిత్రంలోనూ జాన్వీ పేరు ప్ర‌చారంలోకి వ‌స్తోంది. ఆమెతో పాటు ఈ ప్రాజెక్ట్ లో దీపికా ప‌దుకొణే పేరు కూడా వినిపిస్తుంది. ఇలా ఇద్ద‌రి సినిమాలు రిలీజ్ కాకుండానే అగ్ర ప్రాజెక్ట్ ల్లో వినిపించ‌డం విశేషం. అదే నిజ‌మైతే ఇద్ద‌రి మ‌ధ్య గ‌ట్టి పోటీ ఏర్ప‌డుతుంది. ఛాన్సుల ప‌రంగా త‌గ్గాఫ్ వార్ త‌ప్ప‌నిస‌రి అని విశ్లేష‌కులు అంచ‌నా వేస్తున్నారు.