దిల్ రాజు ఆగ్రహం.. వైరల్ అవుతున్న వీడియో

నిర్మాత దిల్ రాజు తన మీద వెబ్ సైట్స్ లో అసత్య ఆరోపణలు చేశారని నేరుగా ఒక మూవీ ఈవెంట్ తీవ్రంగా రియాక్ట్ అయ్యారు. ప్రత్యేకంగా పేర్లు మెన్షన్ చేయకుండా తప్పుడు రాతలు రాస్తూ, నా మీద అదే పనిగా బురదజల్లాలని ప్రయత్నం చేస్తే తాటతీస్తా అంటూ ఆగ్రహం వ్యక్తం చేశారు. తగ్గి ఉంటున్నానని ఇష్టానుసారంగా రాస్తే ఊరుకునేది లేదని హెచ్చరించారు.

ఈ న్యూస్ టాలీవుడ్ సర్కిల్ లో ఇప్పుడు సంచలనంగా మారింది. ఇక మూవీ ఈవెంట్ ముగించుకొని దిల్ రాజు తిరిగి వెళ్లే సమయంలో ఓ పత్రికా విలేకరి మీద తీవ్రంగా ఆగ్రహం వ్యక్తం చేసిన వీడియో ఇప్పుడు సోషల్ మీడియాలో వైరల్ గా మారింది. పిచ్చి పిచ్చిగా రాస్తే వదిలిపెట్టను. గుర్తుపెట్టుకోండి. ఏమనుకుంటున్నావ్ అంటూ సదరు జర్నలిస్ట్ పై దిల్ రాజు సీరియస్ అవుతోన్న వీడియో ట్రెండ్ అవుతోంది.

అదే సమయంలో దిల్ రాజుని ఆపడానికి ప్రయత్నం చేసిన మరో వ్యక్తి మీద కూడా దిల్ రాజు ఆగ్రహం వ్యక్తం చేశారు. ఇప్పటికే దిల్ రాజు టాపిక్ సోషల్ మీడియాతో పాటు మీడియా సర్కిల్ లో సంచలనంగా మారింది. ఎప్పుడూ కూల్ గా ఉండే నిర్మాతగా దిల్ రాజుకి పేరుంది. ఎన్ని విమర్శలు వచ్చిన కూడా ఎవరి మీద పెద్దగా రియాక్ట్ కారు.

అలాంటిది మొదటిసారి తనలో దాచుకున్న ఆగ్రహాన్ని బయటపెట్టారు. స్టేజ్ మీద అందరూ చూస్తుండగానే డైరెక్ట్ గా వార్నింగ్ ఇచ్చారు. సంక్రాంతి వచ్చిన ప్రతి సారి తన మీద అదే పనిగా బురదజల్లే ప్రయత్నం చేస్తున్నారని, ఇక సహించేది లేదని తెలిపారు. ఈ సారి చర్యలు చాలా తీవ్రంగా ఉంటాయని హెచ్చరించారు. కొంతమంది చిరంజీవి హనుమాన్ ప్రీరిలీజ్ ఈవెంట్ లో మాట్లాడిన మాటలని వక్రీకరించి రాయడంతో దిల్ రాజుకి కోపం వచ్చింది.

అలాగే ఓ తమిళ మూవీని కూడా దిల్ రాజు సంక్రాంతి బరిలో దించబోతున్నారని అని వస్తున్న వార్తలు కూడా ఆయన ఘాటుగా కౌంటర్ ఇచ్చారు. అందులో ఎలాంటి నిజం లేదని అన్ని సినిమాలు బాగా ఆడాలి అనే ఆలోచన తమకు ఉంటుందని దిల్ రాజు తెలిపారు. మరి ఈ విషయం ఎంతవరకు వెళుతుందో కాలమే సమాధానం చెప్పాలి.