ఆ హీరోయిన్ కోసం దిల్ రాజు ముందుచూపు..!

తెలుగులో కొత్త హీరోయిన్ కాస్త టాలెంట్ ఉందనిపిస్తే చాలు ముందే ఆమెను తన వరుస సినిమాల్లో బుక్ చేసుకుంటాడు ప్రముఖ నిర్మాత దిల్ రాజు. టాలీవుడ్ కి అలా వచ్చిన ప్రతి హీరోయిన్ తో ఆయన వరుస సినిమాలు చేయడం కామనే. ఆయన ప్రొడక్షన్ లో ఛాన్స్ తెచ్చుకున్నారు అంటే ఆ హీరోయిన్స్ కు స్టార్ క్రేజ్ వచ్చినట్టే లెక్క. ఇప్పుడు అదే ఛాన్స్ కన్నడ భామ రుక్మిణి వసంత్ అందుకుందని టాక్.

కన్నడ లో ఈమధ్యనే పాపులర్ అవుతున్న రుక్మిణి అక్కడ చేసిన సప్త సాగరాలు దాటి సినిమాతో తెలుగు ఆడియన్స్ కు పరిచయమైంది. ఆ సినిమాలో ప్రియ పాత్రలో ఆమె కనబరిచిన అభినయం తెలుగు ఆడియన్స్ ని మాయలో పడేసింది. ఆడియన్స్ లో ఈ బజ్ చూసి మన మేకర్స్ ఆమె వెంట పడుతున్నారు. రవితేజతో పాటు మరో యువ హీరో సినిమాల్లో రుక్మిణి ఛాన్స్ అందుకుందని తెలుస్తుంది.

ఇక రుక్మిణి తెలుగులో బిజీ అవ్వడానికి ముందే దిల్ రాజు ఆమెను రెండు మూడు సినిమాలకు బ్లాక్ చేయాలని చూస్తున్నాడు. బాలీవుడ్ బడా ప్రొడక్షన్ తరహాలో హీరోయిన్ ను ఒకేసారి 2, 3 సినిమాలకు ఫిక్స్ చేసి రెమ్యునరేషన్ మాట్లాడినట్టు దిల్ రాజు కూడా రుక్మిణి వసంత్ ని ఒకేసారి 2 ప్రాజెక్ట్ లకు తీసుకుంటున్నాడట. ఈలోగా ఆమె చేసే సినిమాలు సూపర్ హిట్ అయ్యి క్రేజ్ డబుల్ అయితే తన సినిమాలకు అది ప్లస్ అవుతుందని రాజు గారి మాస్టర్ ప్లాన్.

రుక్మిణి వసంత్ ఫీచర్స్ చూస్తుంటే కచ్చితంగా కొన్నాళ్లు టాలీవుడ్ లో పాగా వేసేలా ఉంది. గ్లామర్ విషయంలో చెప్పలేం కానీ కథానాయిక బలం ఉన్న పాత్రలు అయితే ఆమె పర్ఫెక్ట్ అనిపిస్తుంది. ప్రస్తుతానికి అనుదీప్ రవితేజ కాంబో సినిమాలో ఆమె హీరోయిన్ గా ఓకే అయ్యిందని చెబుతున్నారు. అయితే అది కూడా అఫీషియల్ గా అనౌన్స్ చేయలేదు. ఒకవేళ దిల్ రాజు ముందే ఆమెను తీసుకుంటే మారం ఒక క్రేజీ కాంబినేషన్ లో రుక్మిణి తో సినిమా చేసే ఛాన్స్ ఉంటుందని చెప్పొచ్చు. ఏది ఏమైనా రుక్మిణికి టాలీవుడ్ ఒక లక్కీ డిప్ లాగా తగిలిందని చెప్పొచ్చు. మరి రుక్మిణికి తెలుగు సినిమాలు ఏమేరకు క్రేజ్ తెస్తాయన్నది చూడాలి. తెలుగులో ఒక్క సినిమా చేయకుండానే అమ్మడి గురించి టాలీవుడ్ లో జరుగుతున్న డిస్కషన్స్ చూసైనా రుక్మిణి గ్రాఫ్ ఇక్కడ ఎలా ఉండబోతుందో అర్థం చేసుకోవచ్చు.