వేదిక‌పై హగ్ కోరిన డైరెక్ట‌ర్.. అసౌకర్యంగా హీరోయిన్!
ఇదిగో ఇక్క‌డ వేదిక‌పై అలాంటి స‌న్నివేశ‌మే కనిపించింది. ఆ హీరోయిన్ ముఖక‌వ‌ళిక‌లు ప‌రిశీలిస్తే మీరే ఈ మాట చెబుతారు.
వేదిక‌ల‌పై స్పీచ్ ఇవ్వ‌డం అన్న‌ది ఒక ఆర్ట్. అది తేడా కొడితే చాలా ఇబ్బంది. ముఖ్యంగా న‌టీమణుల‌పై స‌ర‌దా ప‌రాచికాలు వారిని చిక్కుల్లో ప‌డేస్తాయి. మింగ‌లేక క‌క్క‌లేక ఆ స‌న్నివేశంలో అంత మంది ముందు ఏం చేయాలో అర్థం కాని గంద‌ర‌గోళంలో చిక్కుకుపోతారు. ఇదిగో ఇక్క‌డ వేదిక‌పై అలాంటి స‌న్నివేశ‌మే కనిపించింది. ఆ హీరోయిన్ ముఖక‌వ‌ళిక‌లు ప‌రిశీలిస్తే మీరే ఈ మాట చెబుతారు.
మా హీరోయిన్ యూనిట్లో అంద‌రికీ హగ్ ఇచ్చింది కానీ, నాకు మాత్రం ఇప్ప‌టివ‌ర‌కూ అస్స‌లు హగ్ అన్న‌దే ఇవ్వ‌లేద‌ని, కేవ‌లం షేక్ హ్యాండ్ పేరుతో 'హ్యాండ్' ఇచ్చింద‌ని వ్యాఖ్యానించాడు. అయితే ఇదేదో స‌ర‌దాగా అంద‌రినీ న‌వ్వించాల‌ని ఫ్లోలో అనేసిన‌దేనా? అనుకుంటే.. అవును! అని అంగీక‌రించినా కానీ, స‌ద‌రు ద‌ర్శ‌కుని కామెంట్ వేదిక‌పై ఆ హీరోయిన్ ని ఎంత‌గా ఇబ్బంది పెట్టిందో ఆమె ఎక్స్ ప్రెష‌న్ చెప్పేస్తోంది. చివ‌రికి దర్శ‌కుడికి వేదిక‌పై ఆ యువ‌హీరోయిన్ హగ్ కూడా ఇచ్చింది. ''తెలుగ‌మ్మాయి బెంగ‌ళూరులో స్థిర‌ప‌డింది. నా సినిమాతో హీరోయిన్ అయింది'' అని అత‌డు ప‌రిచ‌యం చేసాడు. కానీ ఆ త‌ర్వాతే స్పీచ్ లో ఫ్లో అదుపుత‌ప్పింది. అత‌డి కాన్ స‌న్ ట్రేష‌న్ అంతా హగ్ మీదికి మ‌ళ్ల‌డంతో అది కాస్తా కామెడీ అయిపోయింది.
మేం వ‌య‌సుకు వ‌చ్చాం, నేను లోక‌ల్‌, ధ‌మాకా చిత్రాల‌తో త్రినాథ‌రావు న‌క్కిన విజ‌యాలు అందుకున్నారు. తాజా ప్రాజెక్ట్ 'చౌర్య పాటం' అనే క్రైమ్ కామెడీతో నిర్మాణంలోకి అడుగుపెట్టాడు. టీజర్ లాంచ్‌లో త్రినాధ రావు ఈవెంట్‌కు కొంత వినోదాన్నిజోడించాల‌నే ప్ర‌య‌త్నంలో ఈ వ్యాఖ్య‌లు చేసారు. త‌న క‌థానాయిక పాయల్ రాధాకృష్ణను వేదిక‌పైనే స‌ర‌దాగా ఆట‌ప‌ట్టించ‌డం కనిపించింది. త్రినాధరావు ఈ వ్యాఖ్య‌ల్ని అంత సీరియ‌స్ గా భావించ‌క‌పోయినా కానీ, పాయల్ రాధాకృష్ణ కొంచెం అసౌకర్యంగా కనిపించింది.