బాలయ్యతో ప్రయోగానికి సిద్ధమైన పూరి..?

ఇస్మార్ట్ శంకర్ తో ఫాంలోకి వచ్చినట్టు కనిపించిన దర్శకుడు పూరీ లైగర్ తో భారీ డిజాస్టర్ అందించడంతో మళ్లీ కెరీర్ రిస్క్ లో పడినట్టు కనిపించాడు. అయితే ఇస్మార్ట్ శంకర్ తో హిట్ అందుకున్న పూరీ డబుల్ ఇస్మార్ట్ తో మళ్లీ హిట్ ట్రాక్ ఎక్కాలని చూస్తున్నాడు. రామ్ హీరోగా డబుల్ ఇస్మార్ట్ సినిమా చేస్తున్నాడు పూరీ. ఆల్రెడీ సెట్స్ మీద ఉన్న ఈ సినిమాలో భారీ క్యాస్టింగ్ కూడా ఉందని తెలిసిందే. ఈ సినిమా తర్వాత పూరీ ఏ హీరోతో సినిమా చేస్తాడన్నది తెలియాల్సి ఉంది.

అయితే పైసా వసూల్ టైంలోనే బాలకృష్ణకి మరో కథ రెడీ చేసి వినిపించగా బాలయ్య కూడా గ్రీన్ సిగ్నల్ ఇచ్చేశాడట. ప్రస్తుతం వరుస సినిమాలతో సూపర్ ఫాం లో ఉన్న బాలకృష్ణ మళ్లీ పూరీ జగన్నాథ్ తో కలిసి సినిమా చేయాలని చూస్తున్నారట. పూరీ కూడా డబుల్ ఇస్మార్ట్ తర్వాత బాలకృష్ణతోనే సినిమా చేయాలని అనుకుంటున్నారట. అదే నిజమైతే మరోసారి పైసా వసూల్ మూవీ హంగామా ఉంటుందని చెప్పొచ్చు.

రీసెంట్ గా భగవంత్ కేసరి సినిమాతో హిట్ అందుకున్న బాలయ్య బాబు తన నెక్స్ట్ సినిమాను బాబీ డైరెక్షన్ లో చేస్తున్నాడు. ఆ తర్వాత బోయపాటితో అఖండ 2 కూడా ఉందని తెలుస్తుంది. ఈ రెండు సినిమాల తర్వాత పూరీ తో బాలకృష్ణ సినిమా ఉంటుందని ఫిల్మ్ నగర్ టాక్. పూరీ కూడా డబుల్ ఇస్మార్ట్ తర్వాత మరో యువ హీరోతో సినిమా చేయాలని చూస్తున్నాడు. సో అలా ఇద్దరు చెరో రెండు సినిమాలు చేసి మళ్లీ కలిసి సినిమా చేస్తారని తెలుస్తుంది.

బాలకృష్ణ పూరీ జగన్నాథ్ ఈ కాంబో మళ్లీ వస్తే చూడాలని నందమూరి ఫ్యాన్స్ ఎగ్జైటెడ్ గా ఉన్నారు. బాలకృష్ణ ఈమధ్య కొత్త పాత్రలతో మెప్పిస్తున్నారు. పూరీ లాంటి డేరింగ్ అండ్ డ్యాషింగ్ డైరెక్టర్ తో మరోసారి చేసే ఫ్యాన్స్ కి వచ్చే ఆ ఎనర్జీ వేరేలా ఉంటుందని చెప్పొచ్చు. పూరీ జగన్నాథ్ డబుల్ ఇస్మార్ట్ 2024 మార్చ్ లో రిలీజ్ లాక్ చేశాడు. ఆ తర్వాత మరో సినిమాకు మరో ఆరు నెలలు టైం తీసుకుంటాడు. సో 2025 మొదట్లో పూరీ బాలకృష్ణ సినిమా ఉండే అవకాశం ఉంది. బాలకృష్ణతో సినిమా కోసం పూరీ ఒక అదిరిపోయే కథ రెడీ చేసినట్టు తెలుస్తుంది.