కొత్త ప్రియుడిని పరిచయం చేసిన దిశా.. టైగర్ ఎలా స్పందిస్తాడో?
బిటౌన్ హాట్ గాళ్ దిశా ప‌టానీ స్నేహాలు బ్రేక‌ప్ వ్య‌వ‌హారంపై కొంత‌కాలంగా ఆస‌క్తిక‌ర చ‌ర్చ సాగుతోంది.
బిటౌన్ హాట్ గాళ్ దిశా ప‌టానీ స్నేహాలు బ్రేక‌ప్ వ్య‌వ‌హారంపై కొంత‌కాలంగా ఆస‌క్తిక‌ర చ‌ర్చ సాగుతోంది. ట్యాలెంటెడ్ యంగ్ హీరో టైగర్ ష్రాఫ్ తో చాలాకాలంగా రిలేష‌న్ లో ఉన్న ఈ బ్యూటీ ఏడాది కింద‌టే బ్రేక‌ప్ చెప్పేసింద‌ని క‌థ‌నాలొచ్చాయి. అంతేకాదు.. గత కొంత‌కాలంగా టైగర్ ఫిట్నెస్ కోచ్ అయిన అలెగ్జాండర్ అలెక్సిలిక్‌తో డేటింగ్ లో ఉంద‌ని ప్ర‌చార‌మ‌వుతోంది. ప‌లుమార్లు తన స్నేహితుడు అంటూ అలెక్స్ ని దిశా స్వ‌యంగా పరిచయం చేయడంతో మీడియాలో అది హాట్ టాపిక్ అయింది.
గత రాత్రి దిశాప‌టానీ మ‌రోసారి తన ప్ర‌స్తుత బోయ్ ఫ్రెండ్ తో కెమెరా కంటికి చిక్కింది. అంతేకాదు.. తన స్నేహితురాళ్ళకు అతన్ని తన ప్రియుడు అని పరిచయం చేస్తూ కనిపించింది. ప్రియుడిని పరిచయం చేయడం వీడియోలో స్పష్టంగా క‌నిపిస్తోంది. దిశా-అలెగ్జాండర్‌లు ఇక నిరంత‌రం జంట‌గా వేడెక్కించే ఫోటోల‌తో ఆన్‌లైన్‌లో హ‌ల్ చ‌ల్ చేయడం ఖాయ‌మ‌ని అర్థ‌మ‌వుతోంది. ఇది చూశాక టైగర్ ఎలా స్పందిస్తాడో చూడాలంటూ ఒక‌టే ఉత్కంఠ నెల‌కొంది.
దిశా - టైగర్ ష్రాఫ్ జంట విడిపోయారంటూ కొన్ని నెలల క్రితం హెడ్ లైన్స్ లో క‌థ‌నాలొచ్చాయి. ఈ బ్రేక‌ప్ వార్త అభిమానుల్లో క‌ల‌త‌కు కార‌ణ‌మైంది. ముఖ్యంగా టైగర్ ని దిశా ఏకపక్షంగా ప్రేమించింద‌ని అత‌డు ఆమెను స్నేహితురాలిగా మాత్రమే భావించాడని క‌థ‌నాలు వచ్చిన తర్వాత అది అభిమానుల‌కు చాలా షాకింగ్‌గా మారింది. ప్రతి వేదిక‌లోను దిశా కేవలం తన స్నేహితురాలు.. అంత‌కుమించి మరేమీ లేదు అని టైగర్ ప‌దే ప‌దే వెల్ల‌డించాడు. అయితే పిల్లిని బ్యాగ్ నుండి బయటకు తీయడంలో స్పెష‌లిస్ట్ అయిన కరణ్ జోహార్ సైతం తన టాక్ షోలో టైగర్ నుంచి నిజాన్ని బయటకు రాబ‌ట్ట‌డంలో విఫలమయ్యాడు. నిజానికి టైగర్-దిశా ఎప్పుడూ రిలేష‌న్ షిప్ లో లేర‌ని టైగర్ త‌ల్లిగారైన అయేషా ష్రాఫ్ కూడా బ‌హిరంగంగా తెలిపారు. కానీ ఇవేవీ అభిమానులు ఎప్పుడూ న‌మ్మ‌లేదు. ఇప్పుడు నేరుగా తన ప్రియుడినే దిశా పరిచయం చేశాక పూర్తిగా క్లారిటీ వ‌చ్చేసిన‌ట్టే.
టైగర్ నటించిన గణపత్ విడుద‌ల‌కు సిద్ధంగా ఉంది. అయితే దిశా తదుపరి భారీ పాన్ ఇండియా చిత్రం ప్రాజెక్ట్ కేలో న‌టించ‌డం హాట్ టాపిక్ గా మారింది. ప్రాజెక్ట్ K అకా కల్కి 2898 ADలో దీపిక ప్ర‌ధాన క‌థానాయిక కాగా దిశా కీల‌క పాత్ర‌లో క‌నిపించ‌నుంది.