భగవంత్ కేసరి.. సౌండ్ స్టార్ట్ అయ్యేది అప్పుడే..

నందమూరి హీరో బాలకృష్ణ నటిస్తున్న తాజా చిత్రం భగవంత్ కేసరి. ఈ మూవీని దసరా కానుకగా ప్రేక్షకుల ముందుకు తీసుకువస్తున్నారు. ఇప్పటికే రెండు వరస హిట్లతో మంచి ఊపు మీద ఉన్న బాలయ్య, ఈ భగవంత్ కేసరితో హ్యాట్రిక్ కొట్టే లక్షణాలు స్పష్టంగా కనపడుతున్నాయి. ఇప్పటికే ఈ మూవీ నుంచి వీడియో రూపంలో చిన్న ట్రీట్ ఇవ్వగా, అది ఫ్యాన్స్ కి మంచి కిక్ ఇచ్చింది.

ఇప్పుడు ఈ మూవీ నుంచి మ్యూజికల్ ట్రీట్ అవ్వడానికి రెడీ అవుతున్నారు. ఈ సినిమా ఫస్ట్ సింగిల్ ని తాజాగా చిత్ర బృందం విడుదల చేయాలని అనుకుంటోంది. ఫస్ట్ సింగిల్ సెప్టెంబర్ మొదటి వారంలో విడుదల చేయనున్నారు. దీంతో, ఫ్యాన్స్ ఎప్పుడెప్పుడు పాటలు వింటామా అని ఎదురు చూస్తున్నారు. అయితే, ఎంతలా ఎదురుచూస్తున్నారో, అదేవిధంగా ఒకింత భయపడుతున్నారు కూడా. దానికి కారణం లేకపోలేదు. మ్యూజిక్ థమన్ అందిస్తున్నాడు. అందుకే ఈ భయమంతా.

ఒకప్పుడు టాలీవుడ్ లో సూపర్ హిట్ మ్యూజిక్ ఇచ్చిన థమన్ ఈ మధ్య కాస్త తడపడుతున్నాడు. పవన్, సాయి ధరమ్ తేజ్ ల బ్రో సినిమా మ్యూజిక్ ప్లాప్ అయ్యిందనే చెప్పాలి. ఒక్క పాట కూడా సూపర్ హిట్ కాలేదు. అందుకే, బాలయ్య సినిమా పాటలు ఏం చేస్తాడా అనే ఆందోళన మొదలైంది. ఇప్పడంతా థమన్ బ్రో చేతిలోనే ఉంది.

నిజానికి ఇప్పటి వరకు భగవంత్ కేసరి సినిమాపై చాలా పాజిటివ్ టాక్ ఉంది. బాలయ్య లుక్స్, డైరెక్టర్ అనిల్ రావిపూడి టేకింగ్ పై నమ్మకంతో పాటు, కాజల్, శ్రీలీల కూడా ఈ మూవీకి అదనపు ఆకర్షణగా మారారు. ఇలాంటి సినిమాకి మంచి మ్యూజిక్ పడితే, బొమ్మ బ్లాక్ బస్టర్ అవ్వడం ఖాయం. కానీ, డౌట్ అంతా థమన్ మ్యూజిక్ పైనే ఉంది.

మ్యూజిక్ ఎలా ఉంది అనేది తెలియాలంటే, సెప్టెంబర్ 1వ తేదీ వరకు ఆగాల్సిందే. ఇక ఈ సినిమాని షైన్ స్క్రీన్స్‌ బ్యానర్ పై సాహు గారపాటి, హరీష్ పెద్ది ఈ సినిమాను నిర్మిస్తున్నారు. భారీ యాక్షన్ ఎంటర్ ట్రైనర్ గా ఈ మూవీ తెరకెక్కనుంది.