ట్రెండీ టాక్‌: మ‌రో బాల‌కృష్ణ‌లా చెల‌రేగాడు కానీ..!
అయితే బాల‌కృష్ణ త‌ర‌హాలోనే బాలీవుడ్ లో అద్భుత‌మైన ఫాలోయింగ్ ఉన్న స్టార్ గా సన్నీడియోల్ పాపులారిటీ అంతా ఇంతా కాదు.
భారీ యాక్ష‌న్ దృశ్యాలు.. అంత‌కుమించి అన్ స్టాప‌బుల్ అనిపించే మాస్ పంచ్ డైలాగుల‌తో అద‌ర‌గొట్ట‌డంలో న‌ట‌సింహా నంద‌మూరి బాల‌కృష్ణ త‌ర్వాతే ఎవ‌రైనా. ఇండియ‌న్ సినిమా హిస్ట‌రీలోనే ఆయ‌న అరుదైన రికార్డుల‌ను క‌లిగి ఉన్నారు. అయితే బాల‌కృష్ణ త‌ర‌హాలోనే బాలీవుడ్ లో అద్భుత‌మైన ఫాలోయింగ్ ఉన్న స్టార్ గా సన్నీడియోల్ పాపులారిటీ అంతా ఇంతా కాదు. క‌నుసైగ‌ల‌తోనే మ్యాజిక్ చేయ‌గ‌ల అద్భుత న‌టుడు. ఆయ‌న ఇండియా లెవ‌ల్లో పెద్ద స్టార్. అందుకే అత‌డు న‌టించిన బ్లాక్ బ‌స్ట‌ర్ మూవీ 'గ‌ద్ద‌ర్'కి సీక్వెల్ వ‌స్తోంది అన‌గానే ఒక‌టే ఉత్కంఠ ఏర్ప‌డింది.
అయితే ఈ సినిమాలో తారా సింగ్ అలియాస్ సన్నీడియోల్ ఏ రేంజులో చెల‌రేగాడు? అన్న‌ది ప్ర‌శ్నిస్తే... అత‌డు పూర్తిగా నిరాశ‌ప‌రిచాడ‌నేది ప‌లువురు నెటిజ‌నుల అభిప్రాయం. ముఖ్యంగా ద‌ర్శ‌కుడు అనిల్ శర్మపై అభిమానులు తీవ్రంగా విరుచుకుప‌డుతున్నారు. త‌మ అభిమాన హీరో స్టార్‌డమ్‌ను పూర్తి వైభవంగా ప్రదర్శించనందుకు కోపంగా ఉన్నారు. క్రింగ్ కంటెంట్ కూడా కొందరికి చికాకు పుట్టించింది.
గదర్ 2 ఈరోజు విడుదలైంది. కంటెంట్ దృష్ట్యా ఇది దేశ‌భ‌క్తి నేపథ్యంలో తెర‌కెక్కిన సినిమా. జాతీయ అంశం చుట్టూ క‌థ తిరుగుతుంది. అందుకే ఈ చిత్రాన్ని చూడటానికి సన్నీడియోల్ అభిమానులు తొలి రోజు భారీగా థియేటర్లకు తరలి వచ్చారు. అనిల్ శర్మ రెండు లీడ్ లను అద్భుతంగా చూపించ‌గా.. ఈ సినిమా 1971లో జరిగిన ఇండో-పాక్ యుద్ధం నేపథ్యంలో తెరకెక్కింది.
జీత్ (ఉత్కర్ష్ శర్మ) యుద్ధ ఖైదీగా పాక్ సైన్యానికి పట్టుబడటం మనం చూస్తాము. సన్నీ డియోల్ అకా తారా సింగ్ తన కొడుకును తిరిగి తీసుకురావడానికి పాకిస్తాన్‌కు తిరిగి వస్తాడు. మాకో స్టార్ డైలాగ్ డెలివరీ పంచ్ వైలి ఎంత బావున్నా కానీ... కాలం చెల్లిన ట్రీట్‌మెంట్ .. నాసిరకం స్క్రీన్‌ప్లేతో అభిమానులు కలత చెందారు.
నిజానికి సినిమా మొదటి 30 నిమిషాల్లో సన్నీ డియోల్ కనిపించలేదు. ఇది నిజంగానే సూపర్ స్టార్ అభిమానులను కలవరపెడుతోంది. సన్నీడియోల్ లాంటి స్టార్‌తో మరింత మంచి సినిమా తీయగలమని వారు భావిస్తున్నారు. మేకర్స్ కూడా ట్రోల్ అవుతున్నారు.
అదంతా అలా ఉన్నా కానీ.. OMG 2 - గదర్ 2 రెండూ బాగా రాణిస్తే బాలీవుడ్ ఈ వారాంతంలో రూ. 200 కోట్లు సంపాదించగలదు. సన్నీడియోల్ సినిమా యూనివర్సల్ అయితే,.. కంటెంట్ కారణంగా OMG 3 అనేది యుక్తవయస్కులు పెద్దలకు ఎక్కువగా ట్రీట్ గా ఉంటుంది. ఈ సినిమాలో ఉత్కర్ష్ శర్మ, సిమ్రత్ కౌర్ కూడా న‌టించారు.