గేమ్ ఛేంజర్.. ఆ రోజే 'చరణ్- అంజలి' సర్ ప్రైజ్!

టాలీవుడ్ స్టార్ హీరో రామ్ చరణ్ అప్ కమింగ్ మూవీ గేమ్ ఛేంజర్ రిలీజ్ కు సంబంధించిన ఏర్పాట్లతో మేకర్స్ ఫుల్ బిజీగా ఉన్నారు. ఇప్పటికే షూటింగ్ ను కంప్లీట్ చేయగా.. ప్రస్తుతం ఓ వైపు పోస్ట్ ప్రొడక్షన్ పనులు శరవేగంగా పూర్తి చేస్తున్నారు. మరోవైపు ఆడియన్స్ లో బజ్ క్రియేట్ అయ్యేలా ప్రమోషన్స్ ను చేపడుతున్నారు.

కొద్ది రోజులుగా గేమ్ ఛేంజర్ మేకర్స్.. ప్రమోషన్స్ తో మామూలుగా సందడి చేయడం లేదనే చెప్పాలి. కొత్త కొత్త పోస్టర్స్ ను ఎప్పటికప్పుడు షేర్ చేస్తున్నారు. వాటితో అందరినీ ఆకట్టుకుంటున్నారు. రీసెంట్ గా టీజర్ ను రిలీజ్ చేసి సినిమాపై అంచనాలు పెంచేశారు. ఆడియన్స్ లో ఉన్న పలు డౌట్స్ ను క్లియర్ చేసేశారు!

అదే సమయంలో సాంగ్స్ ను వరుసగా రిలీజ్ చేస్తున్నారు మేకర్స్. ఇప్పటికే రెండు మాస్ సాంగ్స్ తో మెప్పించగా.. నిన్న నానా హైరానా పాటతో ఓ రేంజ్ లో అలరించారు. ఇన్ స్టంట్ చార్ట్ బస్టర్ గా నిలిచిన ఆ పాట.. నెట్టింట వేరే లెవెల్ లో ట్రెండ్ అవుతోంది. సోషల్ మీడియా ప్లాట్ ఫామ్స్ లో ఎక్కడ చూసినా ఆ పాటే కనిపిస్తోంది.

తొలుత గ్లింప్స్ తోనే పాట హిట్ అవ్వగా.. లిరికల్ వీడియో వచ్చాక ఓ రేంజ్ లో దూసుకుపోతోంది. సాంగ్ సింప్లీ సూపర్బ్ అని అంతా కొనియాడుతున్నారు. మిగతా సాంగ్స్ కోసం వెయిటింగ్ అని చెబుతున్నారు. ఇప్పటి వరకు వచ్చిన సాంగ్స్ లో హీరోయిన్ కియారా అద్వానీ మాత్రమే కనిపించగా.. అంజలి ఒక్క సాంగ్ లోనూ కనిపించలేదు.

అంజలి.. ఫ్యాష్ బ్యాక్ లో రామ్ చరణ్ సరసన హీరోయిన్ గా నటిస్తున్నట్లు ఇప్పటికే అందరికీ క్లారిటీ వచ్చేసింది. అయితే వారిద్దరి మధ్య కూడా అదిరిపోయే ఒక సాంగ్ ఉందని ఇప్పుడు టాక్ వినిపిస్తోంది. కానీ మేకర్స్ మాత్రం.. ఆ పాట లిరికల్ వీడియోను ఇప్పట్లో రిలీజ్ చేయాలని అనుకోవడం లేదని జోరుగా ప్రచారం సాగుతోంది.

ఆ సాంగ్ ను డైరెక్ట్ గా సినిమాలోనే చూపించాలని మేకర్స్ భావిస్తున్నట్లు తెలుస్తోంది. అది ఫ్లాష్ బ్యాక్ లో వచ్చే పాట కనుక హీరో క్యారెక్టర్ కు రిలేటెడ్ గా ఉంటుందని, రివీల్ చేస్తే మొత్తం స్టోరీ అర్థమైపోతుందని, అందుకే రివీల్ చేయకూడదనుకుంటున్నారని ఊహాగానాలు చక్కర్లు కొడుతున్నాయి. మరి ఇందులో నిజమెంతో వేచి చూడాలి.