సరిపోదా శనివారం.. సౌండ్ మొదలైంది

నేచురల్ స్టార్ నాని హీరోగా వివేక్ ఆత్రేయ దర్శకత్వంలో తెరకెక్కుతోన్న మూవీ సరిపోదా శనివారం. ఈ సినిమా షూటింగ్ కంప్లీట్ చేసుకొని పోస్ట్ ప్రొడక్షన్ దశలో ఉంది. హాయ్ నాన్న లాంటి బ్లాక్ బస్టర్ హిట్ తర్వాత నాని నుంచి రాబోయే సినిమా ఇదే కావడం విశేషం. అలాగే వివేక్ ఆత్రేయ, నాని కాంబోలో వస్తోన్న రెండో సినిమా సరిపోదా శనివారం.

డిఫరెంట్ కాన్సెప్ట్ తో యాక్షన్ అండ్ ఫ్యామిలీ ఎంటర్టైనర్ గా ఈ చిత్రాన్ని వివేక్ ఆత్రేయ తెరకెక్కిస్తున్నారు. భారీ బడ్జెట్ తో డివివి దానయ్య ఈ చిత్రాన్ని నిర్మిస్తున్నారు. ఇదిలా ఉంటే ఇప్పటికే ఈ సినిమా నుంచి గ్లింప్స్ ప్రేక్షకుల ముందుకొచ్చి ఆకట్టుకుంది. వారం రోజుల కోపాన్ని ఒక్క రోజే చూపించే వాడిగా నాని ఈ చిత్రంలో నటిస్తున్నాడు.

ఆగష్టు 29న ఈ సినిమా పాన్ ఇండియా రేంజ్ లో సరిపోదా శనివారం మూవీ రిలీజ్ కాబోతోంది. కచ్చితంగా ఈ సినిమాతో మరో బ్లాక్ బస్టర్ హిట్ తన ఖాతాలో పడుతుందనే నమ్మకంతో నాని ఉన్నారు. ఇదిలా ఉంటే తాజాగా ఈ సినిమా నుంచి ఫస్ట్ సింగిల్ ని ప్రేక్షకుల ముందుకి తీసుకొచ్చారు. గరం గరం అంటూ సాగే విశాల్ దడ్లనీ ఆలపించారు.

వెస్ట్రన్ స్టైల్ లో హీరో క్యారెక్టరైజేషన్ ని ఎలివేట్ చేసే విధంగా ఈ పాట ఉఉండటం విశేషం. సాంగ్ కి లిరిక్స్ ని శనపతి భరద్వాజ పాత్రుడు రాసాడు. జెక్స్ బిజోయ్ మ్యూజిక్ అందించారు. సాంగ్ అయితే ట్రెండీగా ఉండటంతో ప్రేక్షకులకి కనెక్ట్ అయ్యే అవకాశం ఉందనే మాట వినిపిస్తోంది. మొత్తానికి సాంగ్స్ తో కూడా సినిమాకు మంచి హైప్ క్రియేట్ అవుతోంది.

ఈ చిత్రంలో ఎస్ జె సూర్య ప్రతినాయకుడిగా నటించగా ప్రియాంక అరుళ్ మోహన్ హీరోయిన్ గా చేస్తోంది. ప్రియాంక, నాని కాంబోలో గతంలో గ్యాంగ్ లీడర్ మూవీ వచ్చింది. ఈ సినిమా ఆశించిన స్థాయిలో సక్సెస్ కాలేదు. అయితే సరిపోదా శనివారం మూవీతో తనకి బ్రేక్ వస్తుందని ప్రియాంకా అరుళ్ మోహన్ ఎక్స్ పెక్ట్ చేస్తోంది. ఎస్ జె సూర్య స్పైడర్ తర్వాత తెలుగులో చేస్తోన్న మూవీ ఇదే కావడం విశేషం. అలాగే ఈ సినిమా కోసం ఆయన భారీగా రెమ్యునరేషన్ తీసుకున్నారు. మరి ఈ సినిమా బాక్సాఫీస్ వద్ద ఎలాంటి ఇంపాక్ట్ క్రియేట్ చేస్తుందో చూడాలి.