ఆధ్యాత్మిక బాట ప‌ట్టిన వార్!

బాలీవుడ్ లో యాక్ష‌న్ చిత్రాలంటే గుర్తొచ్చేది సిద్దార్ధ్ ఆనంద్. `బ్యాంగ్ బ్యాంగ్`.. `వార్`..`పఠాన్`..`ఫైట‌ర్` లాంటి యాక్ష‌న్ చిత్రాల‌తో అద‌ర‌గొట్టిన ఘ‌న‌త సిద్దార్ధ్ సొంతం. యాక్ష‌న్ సినిమాల‌కు ఆయ‌నో బ్రాండ్. యాక్ష‌న్ సినిమా చేస్తే అది సిద్దార్ధ్ ఆనంద్ మాత్రమే చేయాలి అన్నంత‌గా పాపుల‌ర్ అయ్యాడు. స్టార్ హీరోలంతా అత‌డితో యాక్ష‌న్ సినిమా ఎప్ప‌డు చేద్దామా? అన్నంత డిమాండ్ ఉన్న మేక‌ర్ అత‌డు.

అలాంటి యాక్ష‌న్ మేక‌ర్ ఇప్పుడు ఆధ్మాత్మిక క‌థ‌ల బాట ప‌డుతున్నాడా? యాక్ష‌న్ కి గ్యాప్ ఇచ్చి పీస్ మోడ్ లోకి వెళ్తున్నాడా? అంటే అవున‌నే తెలుస్తోంది. ప్ర‌ముఖ ఆధ్యాత్మిక గురువు, లివింగ్ ఆఫ్ ఆర్ట్ వ్య‌వ‌స్థాప‌కుడు గురుదేవ్ శ్రీ శ్రీ ర‌విశంక‌ర్ జీవిత క‌థ‌ని తెర‌పైకి ఎక్కించే బాధ్య‌త తీసుకున్నాడు. ఈ చిత్రాన్ని మ‌హ‌వీర్ జైన్ నిర్మించ‌డానికి ముందుకొచ్చారు. ఈ ప్రాజెక్ట్ వివ‌రాల్ని అధికారికంగా రివీల్ చేసారు.

`ర‌విశంక‌ర్ ఎంతో మందికి స్పూర్తి ప్ర‌ధాత‌. ఆయ‌న జీవితంలో య‌ధార్ధ సంఘ‌ట‌న‌లు ఆధారంగా అంత‌ర్జాతీయ థ్రిల్ల‌ర్ చిత్రం తీయ‌బోతున్నాం. అందుకోసం ద‌ర్శ‌కుడు సిద్దార్ధ్-మ‌హావీర్ చేతులు క‌లిపారు. కొలంబియాలో 52 ఏళ్లు అంత‌ర్యుద్దం కొన‌సాగింది. అది భ‌యంక‌ర‌మైన యుద్దంగా ప‌రిణామం చెంద‌కుండా గురుదేవ్ ఎంతో కృషి చేసారు. దేశాధినేత‌ల‌తో మాట్లాడి అహింసా మార్గం ద్వారా ఎలాంటి ఘ‌ర్ష‌ణ‌ల‌కు తావు లేకుండా చేసారు.

ఆ ఆలోచ‌న‌లు, సంఘ‌ట‌న‌లు స‌మూహ‌రంగా ఈ చిత్రాన్ని తీర్చిదిద్దుతున్నామ‌ని చిత్ర వ‌ర్గాలు ప్ర‌క‌టించాయి. అయితే ఇందులో ర‌విశంక‌ర్ పాత్ర ఎవ‌రు పోషిస్తారు? సంగీతం ఎవ‌రు అందిస్తారు? ఎన్ని భాష‌ల్లో ఈచిత్రాన్ని రూపొందిస్తారు? అన్న వివ‌రాలు మాత్రం రివీల్ చేయలేదు. వాటి వివ‌రాలు అతి త్వ‌ర‌లోనే రివీల్ అయ్యే అవ‌కాశం ఉంది. ప్ర‌స్తుతం సిద్దార్ధ్ ఆనంద్ ఆ సినిమా ప‌నుల్లోనే బిజీ అయిన‌ట్లు తెలుస్తోంది.