'హనుమాన్'.. తెలుగు రాష్ట్రాల్లో బిజినెస్ ఎలా ఉంది!

యంగ్ అండ్ టాలెంటెడ్ ఫిలిం మేకర్ ప్రశాంత్ వర్మ దర్శకత్వంలో తేజ సజ్జ హీరోగా నటిస్తున్న లేటెస్ట్ మూవీ 'హనుమాన్' వచ్చే సంక్రాంతి రిలీజ్ కి సిద్ధమవుతున్న విషయం తెలిసిందే. రిలీజ్ టైం దగ్గర పడటంతో మేకర్స్ ఇటీవలే ప్రమోషన్ స్టార్ట్ చేసి రెండు పాటలు విడుదల చేయగా ఆ పాటలకు ఆడియన్స్ నుంచి మంచి రెస్పాన్స్ వచ్చింది. ఇక తాజాగా ఈ సినిమా తెలుగు రాష్ట్రాల్లో బిజినెస్ డీల్ ని క్లోజ్ చేసుకున్నట్లు తెలుస్తోంది.

ఎవ్వరూ ఊహించని విధంగా హనుమాన్ మూవీకి తెలుగు రాష్ట్రాల్లో భారీ బిజినెస్ జరిగింది. ప్రస్తుతం టాలీవుడ్ లో ఉన్న మీడియంరేంజ్ హీరోలే తెలుగు రాష్ట్రాల్లో 20 కోట్ల బిజినెస్ చేయడానికి ఇబ్బంది పడుతున్న టైంలో హనుమాన్ లాంటి చిన్న సినిమా తెలుగు రాష్ట్రాల్లో ఏకంగా 23 కోట్ల బిజినెస్ జరుపుకోవడం విశేషం. అన్ని ఏరియాల్లోనూ ఈ సినిమా భారీ ధరకు అమ్ముడుపోయినట్లు ట్రేడ్ వర్గాల నుంచి సమాచారం వినిపిస్తోంది.

ఈ రేంజ్ లో బిజినెస్ జరగడానికి సినిమా ప్రమోషనల్ కంటెంట్ చాలా బాగా హెల్ప్ అయ్యింది. టీజర్, సాంగ్స్ తోనే ఆడియన్స్ లో భారీ హైప్ చేసుకున్న ఈ మూవీ నుంచి డిసెంబర్ 19న ట్రైలర్ ని విడుదల చేయబోతున్నారు. ట్రైలర్ రిలీజ్ కి ముందే హనుమాన్ థియేట్రికల్,నాన్ థియేట్రికల్ బిజినెస్ క్లోజ్ అవ్వడం గ్రేట్ అచీవ్ మెంట్ అని చెప్పొచ్చు. జనవరి 12న ఈ మూవీని రిలీజ్ చేస్తున్నట్లు మేకర్స్ ఇప్పటికే అనౌన్స్ చేశారు.

అయితే సంక్రాంతి బరిలో పెద్ద సినిమాలు కూడా ఉండడంతో ఈ మూవీ రిలీజ్ వాయిదా పడుతుందని అందరూ భావించారు. కానీ మేకర్స్ మాత్రం ఎట్టి పరిస్థితుల్లోనూ సినిమాని వాయిదా వేసేది లేదని తేల్చేశారు. తాము చెప్పిన తేదీకే సినిమాని థియేటర్స్ లో విడుదల చేస్తామని స్పష్టం చేశారు. ఇక హనుమాన్ పై తెలుగు రాష్ట్రాల్లో ఎలాంటి క్రేజ్ ఉందో ఈ మూవీ ప్రీ రిలీజ్ బిజినెస్ మరోసారి రుజువు చేసింది.

సినిమాకి తెలుగు రాష్ట్రాల్లో భారీ బిజినెస్ జరగడంతో మేకర్స్ కూడా హనుమాన్ సక్సెస్ పై ఎంతో కాన్ఫిడెంట్ గా ఉన్నారు. ప్రైమ్ షో ఎంటర్టైన్మెంట్ పతాకం పై కే. నిరంజన్ రెడ్డి ప్రతిష్టాత్మకంగా నిర్మించిన ఈ సినిమాకి గౌరహరి, అనుదీప్ దేవ్, కృష్ణ సౌరభ్ త్రయం సంగీతం అందిస్తున్నారు. శ్రీ నాగేంద్ర తంగల ప్రొడక్షన్ డిజైనర్ గా వ్యవహరిస్తున్న ఈ సినిమాకి శివేంద్ర సినిమాటోగ్రఫీ అందిస్తున్నారు