అన్ని రోజులు ఒకేలా ఉండవు: హరీష్ శంకర్ ట్వీట్ వైరల్

కమర్షియల్ డైరెక్టర్ హరీష్ శంకర్ ఈ ఏడాది మాస్ మహారాజ్ రవితేజతో ‘మిస్టర్ బచ్చన్’ సినిమాతో ప్రేక్షకుల ముందుకొచ్చారు. అయితే ఈ సినిమా బిగ్గెస్ట్ డిజాస్టర్ గా మారింది. హిందీ మూవీ ‘రైడ్’ కి రీమేక్ గా తెరకెక్కిన ఈ చిత్రం ప్రేక్షకులని ఏ మాత్రం ఎంగేజ్ చేయలేదు. ఈ సినిమా తర్వాత హరీష్ శంకర్ పైన తీవ్ర విమర్శలు వచ్చాయి. ప్రస్తుతం హరీష్ పవన్ కళ్యాణ్ తో ‘ఉస్తాద్ భగత్ సింగ్’ మూవీ చేస్తున్నారు.

ఈ మూవీ షూటింగ్ గతంలో 30 శాతం కంప్లీట్ చేశారు. అయితే పవన్ కళ్యాణ్ పొలిటికల్ కార్యాచరణ కారణంగా వాయిదా పడింది. ఈ గ్యాప్ లో హరీష్ శంకర్ ‘మిస్టర్ బచ్చన్’ పూర్తి చేశారు. మరల 2025 ప్రథమార్ధంలో ‘ఉస్తాద్ భగత్ సింగ్’ మూవీ షూటింగ్ స్టార్ట్ అవుతుందని టాక్ వినిపిస్తోంది. మైత్రీ మూవీ మేకర్స్ ఈ చిత్రాన్ని భారీ బడ్జెట్ తో నిర్మిస్తోంది.

ఇదిలా ఉంటే హరీష్ శంకర్ సోషల్ మీడియాలో చాలా యాక్టివ్ గా ఉంటాడు. అభిమానులు పెట్టే కామెంట్స్ కి కూడా రిప్లై ఇస్తాడు. అలాగే ఎవరైనా తనని ట్రోల్ చేస్తే వెంటనే వారికి కౌంటర్ వేస్తాడు. హరీష్ శంకర్ అన్ని కామెంట్స్ కి రెస్పాండ్ కావడంతో హీరోల అభిమానులు కూడా అతనికి మెసేజ్ లు పెడుతూ ఉంటారు. ఇదిలా ఉంటే తాజాగా రవితేజ అభిమాని ఒకరు హరీష్ శంకర్ ని ట్యాగ్ చేసి ఒక ట్వీట్ చేశారు.

అన్నా… మీరు రవితేజ అన్నతో సినిమా చేయాలా.. మేము కాలర్ ఎగరవెయ్యాలా అంటూ ట్వీట్ చేశాడు. దీనికి హరీష్ శంకర్ రిప్లై ఇచ్చారు. ఎన్నో విన్నాను తమ్ముడు. అందులో ఇది ఒకటి. అన్ని రోజులు ఒకేలా ఉండవు. నాకైనా… ఎవరికైనా అంటూ తిరిగి సమాధానం చెప్పారు. ఈ పోస్ట్ ఇప్పుడు వైరల్ అవుతోంది. ‘మిస్టర్ బచ్చన్’ డిజాస్టర్ తర్వాత తనపై వచ్చిన విమర్శలపై హరీష్ శంకర్ ఇలా రియాక్ట్ అయ్యి ఉంటాడన్న నెటిజన్లు అనుకుంటున్నారు.

పవన్ కళ్యాణ్ తో చేస్తోన్న ‘ఉస్తాద్ భగత్ సింగ్’ హిట్ అయితే మరల హరీష్ శంకర్ లైన్ లో పడిపోతాడు. మెగాస్టార్ చిరంజీవి కూడా హరీష్ శంకర్ తో ఒక మూవీ చేయాలని అనుకుంటున్నారు. ‘ఉస్తాద్ భగత్ సింగ్’ హిట్ అయితే చిరంజీవి హరీష్ కి ఛాన్స్ ఇచ్చే అవకాశం ఉందని అనుకుంటున్నారు.