రష్మిక మూవీ ఆగిపోయిందా??
పుష్ప సినిమాతో పాన్‌ ఇండియా స్థాయిలో క్రేజ్‌ సంపాదించుకున్న రష్మిక.. తెలుగు, హిందీ, తమిళ భాషల్లో వరుస సినిమాలు చేస్తూ క్షణం తీరిక లేకుండా గడిపేస్తోంది.
నేషనల్‌ క్రష్‌ రష్మిక మందన్న.. ప్రస్తుతం చేతి నిండా సినిమాలతో ఫుల్‌ బిజీగా ఉంది. పుష్ప సినిమాతో పాన్‌ ఇండియా స్థాయిలో క్రేజ్‌ సంపాదించుకున్న రష్మిక.. తెలుగు, హిందీ, తమిళ భాషల్లో వరుస సినిమాలు చేస్తూ క్షణం తీరిక లేకుండా గడిపేస్తోంది. ఇటీవలే డైరెక్టర్ సందీప్ రెడ్డి వంగా తెరకెక్కించిన యానిమల్ మూవీతో బ్లాక్ బస్టర్ కొట్టేసింది. తన యాక్టింగ్ తో కూడా మంచి పేరు సంపాదించుకుంది.
ప్రస్తుతం ఆమె అల్లు అర్జున్‌ సరసన పుష్ప 2లో శ్రీ వల్లి పాత్రలో నటిస్తోంది. అది కాకుండా ఆమె లైనప్ లో గర్ల్ ఫ్రెండ్, శేఖర్ కమ్ముల- ధనుష్ మూవీలు ఉన్నాయి. గతేడాది హీరోయిన్ సెంట్రిక్ రెయిన్ బో మూవీ స్టార్ట్ చేసింది. కోలీవుడ్‌ లో ప్ర‌ముఖ నిర్మాణ సంస్థ‌ల్లో ఒక‌టైన డ్రీమ్ వారియ‌ర్ పిక్చ‌ర్స్ సంస్థ ఈ సినిమాను నిర్మిస్తోంది. బ్రీజీ రొమాంటిక్ ఫాంట‌సీ చిత్రంగా రూపొందుతున్న ఈ ప్రాజెక్ట్ కు శాంతరూబన్ దర్శకత్వం వహిస్తున్నారు.
అయితే ఈ సినిమా ఫస్ట్ షెడ్యూల్ చాలా రోజుల క్రితమే కంప్లీట్ అయింది. కానీ మేకర్స్ మాత్రం ఇప్పటి వరకు నెక్స్ట్ షెడ్యూల్ ను మొదలుపెట్టలేదు. దీంతో ఈ ప్రాజెక్ట్ ప్రస్తుతం హోల్డ్ లో ఉందని తెలుస్తోంది. ఈ అమ్మడు.. రెయిన్ బో మూవీ కోసం ఎక్కువ రెమ్యునరేషన్ డిమాండ్ చేస్తోందని గతంలో వార్తలు వచ్చాయి. అందుకు మేకర్స్ కూడా ఒప్పుకున్నారట. ఆ తర్వాత రష్మిక.. స్టోరీలో కొన్ని కంటెంట్ ఎలిమెంట్స్ ను మార్చమని కోరిందట. దీంతో మేకర్స్ ఈ మూవీని హోల్డ్ లో పెట్టారట.
అయితే ఇందులో నిజమెంతనేది తెలియదు. ప్రస్తుతం రష్మిక హైదరాబాద్ లో జరుగుతున్న పుష్ప-2, గర్ల్ ఫ్రెండ్ సినిమాల షూటింగ్స్ లో పాల్గొంటోంది. లక్ష్మణ్‌ ఉటేకర్‌ దర్శకత్వంలో విక్కీ కౌశల్‌ తో కలిసి బాలీవుడ్ మూవీ ఛావాలో కూడా నటిస్తోంది. ఇటీవలే ఈ సినిమా షూటింగ్ పూర్తయింది. ఛత్రపతి శివాజీ కుమారుడు శంభాజీ మహరాజ్‌ జీవితాధారంగా దీన్ని తెరకెక్కిస్తున్నారు. అయితే రెయిన్ బో ప్రాజెక్ట్ ఎప్పుడు మళ్లీ స్టార్ట్ అవుతుందో చూడాలి.
మరోవైపు, సోషల్ మీడియాలో యాక్టివ్‌ గా ఉండే రష్మిక సినిమాలతో పాటు పర్సనల్ విషయాలను కూడా షేర్ చేస్తుంటుంది. అప్పుడప్పుడు ఫ్యామిలీ ఫొటోస్ పంచుకుంటూ ఉంటోంది. తాజాగా ఆమె ఫ్యామిలీ పిక్ ఒకటి సోషల్ మీడియాలో వైరల్ గా మారింది. అందులో రష్మిక పేరెంట్స్ తో పాటు తన చెల్లెలు ఉంది. దీంతో ఫ్యాన్స్ ఈ పిక్ ను తెగ షేర్ చేస్తున్నారు. రష్మిక చిట్టి చెల్లెలు సో క్యూట్ అంటూ కామెంట్లు పెడుతున్నారు. మరి మీరు చూశారా ఆ పిక్?