మా హీరో జైలు నుంచి వ‌చ్చాడు..అందుకే ఈ పండ‌గ!
తాజాగా అభిమానినే మ‌ర్డ‌ర్ చేసాడ‌నే ఆరోప‌ణ‌ల‌తో జైలుకెళ్లి మ‌ధ్యంత‌ర బెయిల్ పై బ‌య‌ట‌కొచ్చిన హీరో ద‌ర్శ‌న్ విష‌యంలో అభిమానులు ఇప్పుడు ఎలా ఫీల‌వుతున్నారో? తెలిస్తే న‌వ్విపోతారు.
హీరోల్ని అభిమానించే విష‌యంలో తెలుగు ప్రేక్ష‌కుల త‌ర్వాత ఎవ‌రైనా? అన్న‌ది వాస్త‌వం. ఇక్క‌డ హీరోల‌పై ఆడియ‌న్స్ చూపించే అభిమానం ఎంతో గొప్ప‌ది. ఆ ర‌కంగా తెలుగు హీరోలంతా ఎంతో ల‌క్కీ అని అంటుంటాం. ఎందుకంటే దేశంలో ఇంకా చాలా రాష్ట్రాల్లో సినీ ప‌రిశ్ర‌మ‌లున్నాయి. అక్క‌డా హీరోలున్నారు. కానీ తెలుగు రాష్ట్రాల ప్ర‌జ‌లు మాత్రం సినిమా స్టార్లు అంటే? ప్రాణం క‌న్నా ఎక్కువ‌గా భావిస్తుంటారు. అలా ప్రాణాల మీద‌కు తెచ్చుకున్న అభిమానులెంతో మంది ఉన్నారు.
క‌టౌట్లు క‌డుతూ క‌రెంట్ షాకులు త‌గిలి, అభిమానుల మ‌ధ్య న‌లిగిపోయి ఊపిరాడ‌క ప్రాణాలు కోల్పోయిన అభిమానులు ఎంతో మంది ఉన్నారు. అదే అభిమానంతో కొట్లాట‌ల‌కు ..గొడ‌వ‌ల‌కు దిగిన సంద‌ర్భాలు గ‌తంలో ఎన్నో ఉన్నాయి. ఇప్పుడు సోష‌ల్ మీడియాలో ఆ ర‌క‌మైన గొడ‌వ‌లు జ‌రుగుతున్నాయి. త‌మిళ‌నాడు కోలీవుడ్ ఇండ‌స్ట్రీలో కూడా ఇదే ప‌రిస్థితి. అక్క‌డ ఇంత‌కు మించిన ప‌రిస్థితులు అప్పుడ‌ప్పుడు క‌నిపిస్తుంటాయి.
అభిమానం మ‌త్తులో హీరో త‌ప్పొప్పుల‌తో సంబంధం లేదు. అత‌డు మా హీరో..నేను అభిమానించే హీరో అంతే. అంత‌కు మించి టాపిక్ అన‌వ‌స‌రం గా భావిస్తుంటారు. తాజాగా అభిమానినే మ‌ర్డ‌ర్ చేసాడ‌నే ఆరోప‌ణ‌ల‌తో జైలుకెళ్లి మ‌ధ్యంత‌ర బెయిల్ పై బ‌య‌ట‌కొచ్చిన హీరో ద‌ర్శ‌న్ విష‌యంలో అభిమానులు ఇప్పుడు ఎలా ఫీల‌వుతున్నారో? తెలిస్తే న‌వ్విపోతారు. చికిత్స నిమిత్తం కోర్టు ఆరువారాలు బెయిల్ ఇవ్వ‌డంతో ద‌ర్శ‌న్ బ‌య‌ట‌కొచ్చాడు.
దీంతో సోష‌ల్ మీడియాలో అత‌డి అభిమానుల ఆనందానికి అవ‌ధుల్లేవ్. సామాజిక మ‌ధ్య‌మాల అభిమానులంతా పెద్ద పండ‌గే చేసుకుంటున్నారు. ఇంకో విష‌యం అత‌డు జైల్లో ఉన్న సమ‌యంలో ద‌ర్శ‌న్ పాత సినిమాల్ని రీరిలీజ్ చేసారు. ఆ సినిమాల‌కు ప్రేక్ష‌కుల నుంచి మంచి మ‌ద్ద‌తు ద‌క్కింది. ఆసినిమాలు మంచి వ‌సూళ్ల‌ను సాధించాయి. అభిమాన‌మా మజాకా. ద‌ర్శ‌న్ మ‌ళ్లి ఆరు వారాల త‌ర్వాత జైలు కెళ్లాల్సిందే సుమీ.