ఐ డోంట్ కేర్​.. అన్ని వైపులా ఇదే సౌండ్

ఐ డోంట్ కేర్.. గత కొద్ది రోజులుగా ఎవరి నోట విన్న ఇదే మాట వినిపిస్తోంది. సోషల్ మీడియాలోనూ ఇదే ట్రెండింగ్ అవుతోంది. సందర్భం ఏదైనా ఈ ఒక్క డైలాగ్​తో సమాధానం ఇచ్చేస్తున్నారు. నందమూరి నటసింహం బాలకృష్ణ - అనిల్ రావిపూడి కాంబోలో తెరకెక్కిన భగవంత్ కేసరి సినిమాకు ట్యాగ్​ లైన్ ఇది. సినిమా టైటిల్ అనౌన్స్​ చేసినప్పుడు ట్యాగ్​ లైన్​గా మాత్రమే ట్రెండింగ్ అయిన ఈ క్యాప్షన్​.. ఇప్పుడు కాంట్రవర్సీ ట్యాగ్​ లైన్​గా మారిపోయింది.

తాజాగా రిలీజైన భగవంత్ కేసరి ట్రైలర్​లో బోలెడు కమర్షియల్ అంశాలు, ఫ్యాన్స్​కు కిక్కిచ్చే యాక్షన్ ఎపిసోడ్స్ ఉన్నప్పటికీ.. చివర్లో బాలయ్య చెప్పిన బ్రో.. ఐ డోంట్ కేర్ ప్రచార చిత్రానికే హైలైట్​గా మారింది. అసలీ ట్యాగ్​ లైన్​నే మొదట టైటిల్​గా పెడదామని భావించి.. కానీ ఆ తర్వాత ఎందుకో భగవంత్​ కేసరిగా మార్చుకున్నారట. సినిమా విషయాన్ని కాసేపు పక్కపెడితే.. రీసెంట్​గా ఏపీ రాజకీయాలు మాజీ ముఖ్యమంత్రి చంద్రబాబు అరెస్ట్​ విషయంలో జూనియర్ ఎన్టీఆర్ స్పందించకపోవడంపై.. ప్రెస్​ మీట్​లో బాలయ్య ఐ డోంట్​ కేర్ అనడం సంచలనంగా మారింది.

ఎన్టీఆర్​ ఎందుకు స్పందించలేదో కారణాన్ని వివరించకుండా, లేదంటే తనకు తెలియకపోయి ఉంటే.. ఆ ప్రశ్నను సున్నితంగా హ్యాండిల్​ చేయాల్సింది పోయి.. ఐ డోంట్ కేర్ అని అనడం చర్చనీయాంశంగా మారింది. బాలయ్య అంత మాట అనేశాడేంటి అనే కామెంట్లు వినపడ్డాయ. అదే సమయంలో బాలయ్య ఎప్పుడు ఎలా మాట్లాడతారో తెలిసిన విషయమే. భగవంత్ కేసరి మైండ్​ సెట్​లోనే ఉండటం వల్ల బాలయ్య అలా అన్నారని మరికొంతమంది అభిప్రాయాలు వ్యక్తం చేశారు.

అయితే ఈ ఐ డోంట్ కేర్ అక్కడితో ఆగిపోలేదు. తాజాగా మ్యూజిక్ డైరెక్టర్​ తమన్ కూడా ఇదే క్యాప్షన్​తో ట్వీట్ చేయడం ఆసక్తికరంగానూ కాస్త కాంట్రవర్సీకి దారీ తీసినట్టుగానూ అనిపించింది. రెండు రోజుల క్రితం దర్శకుడు బోయపాటి.. అఖండ సినిమా క్రెడిట్​ను తమన్​కు ఇవ్వకుండా మాట్లాడటం!, అలాగే స్కందకు తమన్ మ్యూజికే మైనస్ అంటూ అనడం! హాట్ టాపిక్​గా మారింది. అదే సయయంలో తమన్​ ఐ డోంట్ కేర్ అని రాసుకురావడం చర్చనీయాంశమైంది.

తమన్​.. బోయపాటికే కౌంటర్ వేశారా అనే అనుమానాలు అందరిలో నెలకొన్నాయి. మరోవైపు ట్రైలర్ రిలీజ్​ అవుతున్న నేపథ్యంలో తాను సంగీతం అందించిన సినిమా హైప్​ కోసం తమన్ అలా పెట్టి ఉండొచ్చని కూడా అంటున్నారు. మరి నిజంగానే కౌంటర్​ వేయడం కోసం పెట్టారా లేదా హైప్ కోసం ఆ ట్వీట్ చేశారా లేదా రెండింటికీ బ్యాలెన్స్ అవుతుందని పెట్టారా అనేది ఆయనకే తెలియాలి.

సరే ఏది ఏమైనప్పటికీ.. సిట్యుయేషన్ ఏదైనా ఈ ఐ డోంట్ కేర్ డైలాగ్​ మాత్రం బాగా ఫేమస్ అయిపోయింది. అందరీ నోట ఇదే వినిపిస్తోంది. సోషల్ మీడియాలోనూ ఇదే కనిపిస్తోంది. భగవంత్ కేసరి సినిమాకు ఇప్పటికే బాగా హైప్ కనపడుతోంది. ఇక ఈ ఐ డోంట్ కేర్ డైలాగ్​తో మరింత కావాల్సినంత స్టఫ్ దొరికినట్టైంది.