'ఇండియన్ 2' కి ఇదేం తలనొప్పి బాబోయ్‌..!
దర్శకుడు శంకర్‌ ఈ సినిమాను అత్యంత భారీ బడ్జెట్‌ తో ప్రతిష్టాత్మకంగా తీసుకుని రూపొందించాడు
యూనివర్శిల్‌ స్టార్ కమల్‌ హాసన్‌ అభిమానులతో పాటు సగటు పాన్ ఇండియా సినీ ప్రేక్షకులు ఎంతో ఆసక్తిగా ఎదురు చూస్తున్న సినిమా 'ఇండియన్ 2'. తెలుగు లో భారతీయుడు గా విడుదల అవుతున్న ఈ సినిమా పై అంచనాలు ఆకాశాన్ని తాకేలా ఉన్నాయి అనడంలో ఎలాంటి సందేహం లేదు.
దర్శకుడు శంకర్‌ ఈ సినిమాను అత్యంత భారీ బడ్జెట్‌ తో ప్రతిష్టాత్మకంగా తీసుకుని రూపొందించాడు. సమాజంలో పెరుగుతున్న అవినీతి పై యుద్దం అన్నట్లుగా ఈ సినిమా ఉంటుంది అంటూ చిత్ర యూనిట్‌ సభ్యులు గట్టిగా చెబుతున్నారు. వెయ్యి కోట్ల టార్గెట్‌ తో ఈనెల 12న ఇండియన్ 2 వరల్డ్‌ బాక్సాఫీస్ వద్ద దాడికి సిద్ధం అయ్యింది.
తమిళ్‌ తో పాటు ఇతర భాషల్లో ఇండియన్ 2 కి పెద్దగా పోటీ ఉండక పోవచ్చు అనే అభిప్రాయం వ్యక్తం అవుతుంది. ఈ సినిమా ను భారీ ఎత్తున విడుదల చేస్తున్న నేపథ్యంలో ఇతర సినిమాలకు థియేటర్లు లభించే అవకాశం ఉండదు. అందుకే ఇతర సినిమాల రిలీజ్ లేకుంటే బాగుంటుందని అంతా భావిస్తున్నారు.
కానీ అనూహ్యంగా ఇండియన్ 2 విడుదల అవ్వబోతున్న రోజునే 'టీన్జ్' అనే సినిమా విడుదలకు సిద్ధం అయ్యింది. యుగానికి ఒక్కడు సినిమాతో మంచి గుర్తింపు దక్కించుకున్న ప్రముఖ నటుడు పార్ధీబన్‌ ఈ సినిమాలో ముఖ్య పాత్రలో నటించడం తో అంచనాలు బాగానే ఉన్నాయి.
చిన్న సినిమా అయినా కూడా బాక్సాఫీస్ వద్ద కచ్చితంగా కొంత మేరకు ప్రభావం చూపిస్తుంది అంటూ ఆ చిత్ర యూనిట్‌ సభ్యులు చాలా నమ్మకంతో కనిపిస్తున్నారు. టీన్జ్ సినిమాను ఇండియన్ 2 కి పోటీగా విడుదల చేయడం అనేది చాలా పెద్ద నిర్ణయం, అలాగే తప్పుడు నిర్ణయం అనే అభిప్రాయం వ్యక్తం అవుతోంది.
చిత్ర యూనిట్‌ సభ్యులు బయటకు కనిపించకున్నా లోపల మాత్రం ఎందుకు ఈ టీన్జ్ ఇప్పుడే రావాలి అన్నట్టుగా ఇబ్బంది పడుతున్నారు అంటూ గుసగుసలు వినిపిస్తున్నాయి. కమల్‌ సినిమా ముందు ఆ సినిమా నిలవడం సాధ్యం కాదు, కానీ పోటీ లేకుంటే బాగుంటుంది కదా అంటూ ఫ్యాన్స్ మాట్లాడుకుంటున్నారు.