పుష్ప తర్వాత సుక్కు ప్లాన్ అదేనా..?

దర్శకుడిగా సుకుమార్ సత్తా ఏంటన్నది పుష్ప సినిమాకు ముందు వేరేలా ఉంది. ఎప్పుడైతే పుష్ప 1 రిలీజైందో పాన్ ఇండియా లెవెల్ లో డైరెక్టర్ గా సుకుమార్ రేంజ్ ఏంటన్నది ప్రూవ్ అయ్యింది. అల్లు అర్జున్ తో పుష్ప ది రైజ్ సినిమాతో సుకుమార్ క్రియేటివ్ టాలెంట్ బీ టౌన్ ఆడియన్స్ కి బాగా ఎక్కేసింది. ఈ సినిమా నేషనల్ వైడ్ గా బ్లాక్ బస్టర్ హిట్ అందుకుంది. అయితే ఈ సినిమా సీక్వెల్ గా పుష్ప 2 కూడా భారీ అంచనాలతో వస్తుంది. పుష్ప 2 సెట్స్ మీద ఉండగానే నేషనల్ లెవెల్ లో సినిమాపై సూపర్ బజ్ ఏర్పడింది.

ఇక రిలీజైన ఫస్ట్ గ్లింప్స్ అయితే వావ్ అనిపించింది. పుష్ప 2 ఈ ఇయర్ ఆగష్టు 15న రిలీజ్ లాక్ చేశారు. అయితే ఈ సినిమా తర్వాత సుకుమార్ ప్లాన్ ఏంటన్నది తెలియట్లేదు. పుష్ప కు ముందు అసలైతే విజయ్ దేవరకొండతో సినిమా అనౌన్స్ చేశారు. కానీ విజయ్ వరుస సినిమాల కమిట్మెంట్ వల్ల ఆ కాంబో సినిమా ఇప్పుడైతే వచ్చే అవకాశం లేదని తెలుస్తుంది. సుకుమార్ తో సినిమా అంటే స్టార్స్ లేదని చెప్పే ఛాన్స్ లేదు.

పుష్ప తర్వాత సుకుమార్ చేసే సినిమాపై పాన్ ఇండియా క్రేజ్ ఉంటుంది. సో ఏ హీరోకి కథ చెప్పినా కాదనే అవకాశం లేదు. అయితే స్టార్స్ అంతా కూడా వారి సినిమాలతో బిజీగా ఉన్నారు. మహేష్, ప్రభాస్ లాంటి హీరోలైతే మరో 3, 4 ఏళ్ల దాకా దొరకడం కష్టం. అల్లు అర్జున్ కూడా మూడు సినిమాలు లైన్ లో పెట్టాడు. ఎన్.టి.ఆర్ కూడా దేవర, వార్ 2, ప్రశాంత్ నీల్ సినిమా అంటూ చాలా క్యూ ఉంది. ఇక ఎటొచ్చి రాం చరణ్ మాత్రమే గేమ్ చేంజర్ తర్వాత బుచ్చి బాబు సినిమా ఒక్కటే ఓకే చేశాడు.

పుష్ప తర్వాత రాం చరణ్ మాత్రమే సుకుమార్ తో సినిమా చేసే అవకాశం కనిపిస్తుంది. అయితే గేమ్ చేంజర్ తర్వాత బుచ్చి బాబుతో సినిమా చేస్తున్నాడు చరణ్. సో చరణ్ తోనే చేయాలంటే మాత్రం ఆ సినిమా అయ్యేదాకా వెయిట్ చేయక తప్పదు. ఒకవేళ అలా కాదంటే పవన్ కళ్యాణ్ తో సినిమా చేయాల్సి ఉంటుంది. పవన్ కూడా ఓజీ, ఉస్తాద్ భగత్ సింగ్, హరి హర వీరమల్లు సినిమాలు చేస్తున్నాడు. అవి పూర్తైతే కానీ కొత్త సినిమా చేసే అవకాశం లేదు. మొత్తానికి పుష్ప 2 తర్వాత సుకుమార్ తనకు అవసరం లేకపోయినా వన్ ఇయర్ ఫుల్ రెస్ట్ తీసుకోవచ్చని చెప్పొచ్చు.