దేవరకొండ - దుల్కర్ సాహిబా.. గ్లింప్స్ ఎలా ఉందంటే..

టాలీవుడ్ స్టార్ హీరో విజయ్ దేవరకొండ ఓవైపు చేతి నిండా సినిమాలతో బిజీగా ఉంటూనే.. మరోవైపు మ్యూజిక్ ఆల్బమ్ సాహిబాతో ప్రేక్షకులను అలరించేందుకు సిద్ధమవుతున్న విషయం తెలిసిందే. ఇప్పటికే నీ వెనకాలే నడిచి అనే పాట కోసం వర్క్‌ చేసిన విజయ్.. అప్పుడు యూత్ ను తెగ ఆకట్టుకున్నారు. ఇప్పుడు కెరీర్ లో తొలిసారి హిందీ మ్యూజిక్ వీడియో సాంగ్ ను చేస్తున్నారు.

సాహిబా మ్యూజిక్ ఆల్బమ్ లో విజయ్ దేవరకొండతో బాలీవుడ్ హీరోయిన్ రాధిక మదన్ స్క్రీన్ షేర్ చేసుకుంటున్నారు. ఇప్పటికే వీరిద్దరి రొమాంటిక్ పోస్టర్ రిలీజ్ అవ్వగా.. ఆడియన్స్ నుంచి వేరే లెవెల్ లో రెస్పాన్స్ వచ్చింది. అందరినీ ఆకట్టుకుని మ్యూజిక్ ఆల్బమ్ పై భారీ బజ్ క్రియేట్ చేసింది. సాహిబా సాంగ్‌ ను ఫేమ‌స్ బాలీవుడ్ సింగ‌ర్ జ‌స్లీన్ రాయ‌ల్ ఆల‌పిస్తూ.. మ్యూజిక్ అందిస్తున్నారు.

అయితే ఇప్పటికే హీరియే పాటతో జస్లిన్‌ రాయల్‌ మంచి సక్సెస్‌ అందుకున్నారు. దీంతో సాహిబా కూడా అంతకు మించి అలరించనుందని అంతా అంచనా వేస్తున్నారు. అదే సమయంలో సాహిబా గ్లింప్స్ ను సోమవారం ఉదయం విడుదల చేశారు మేకర్స్. నవంబర్ 15వ తేదీన ఫుల్ సాంగ్ ను రిలీజ్ చేయనున్నట్లు తెలిపారు.

హీరియే సాంగ్ బిట్ తో స్టార్ట్ అయింది సాహిబా గ్లింప్స్. ఆ తర్వాత కెమెరా బాధ్యతలు పర్యవేక్షిస్తూ విజయ్ దేవరకొండ ఎంట్రీ ఇచ్చారు. ఆ తర్వాత షూట్ కు రెడీ అయ్యి ఉన్న రాధిక గాగ్రా చోలీ సర్దుతూ కనిపించారు. రాధిక వేస్తున్న డ్యాన్స్ తో గ్లింప్స్ ఎండ్ అయింది. అయితే తన డ్యాన్స్ తో రాధిక ఓ రేంజ్ లో ఫిదా చేశారు. తన బ్యూటిఫుల్ లుక్స్ తో ఆకట్టుకున్నారు. విజయ్ దేవరకొండ తన రోల్ లో ఒదిగిపోయి కనిపించారు. మ్యూజిక్ అయితే ఇక వేరే లెవల్ అని చెప్పాలి.

ఎంతో ప్లెజెంట్ గా కూల్ గా మ్యూజిక్ లవర్స్ ను గ్లింప్స్ ఆకట్టుకుంటుంది. సాహిబా మరో సెన్సేషనల్ హిట్ గా నిలుస్తుందని ఇప్పుడు నెటిజన్లు కామెంట్లు పెడుతున్నారు. సాహిబా కోసం ఈగర్లీ వెయిటింగ్ అని చెబుతున్నారు. విజయ్ దేవరకొండ, రాధిక మదన్ పెయిర్ సూపర్బ్ గా ఉందని అంటున్నారు. మరి సాహిబా ఫుల్ సాంగ్ ఎలాంటి హిట్ అవుతుందో వేచి చూడాలి.