158 కోట్ల‌కు జోనాస్ బ్ర‌ద‌ర్ ఇల్లు అమ్మ‌కం

ప్రియాంక చోప్రా భ‌ర్త నిక్ జోనాస్ సోద‌రుడు త‌న భార్య సోఫీ టర్న‌ర్ నుంచి విడిపోయిన ఘ‌ట‌న అభిమానుల‌ను క‌ల‌వ‌ర‌పాటుకు గురి చేసిన సంగ‌తి తెలిసిందే. ప్రేమ జంట క‌ల‌త‌ల‌తో విడిపోవ‌డం అంద‌రినీ ఆశ్చ‌ర్య‌ప‌రిచింది. ఇప్పుడు ఆ ఇరువురి న‌డుమా ఆస్తి పంప‌కాలు జ‌రుగుతున్న క్ర‌మంలో లాస్ ఏంజెల్స్ లోని ఇంటిని అమ్మకానికి పెట్ట‌డం చ‌ర్చ‌కు వ‌చ్చింది.

విశాలమైన 6-బెడ్‌రూమ్ LA ఆస్తిని జో జోనాస్ - సోఫీ టర్నర్ గత సంవత్సరం విడాకులు తీసుకునే ముందు కలిగి ఉన్నారు. ఇది ఇప్పుడు $19 మిలియన్ల డాల‌ర్ల విలువ చేస్తోంది. 2019లో ప్రేమ జంట జో జోనాస్ - సోఫీ టర్నర్ కాలిఫోర్నియాలో 15,000 చదరపు అడుగుల ఆస్తిని కొనుగోలు చేసినప్పుడు నిక్ జోనాస్ -ప్రియాంక చోప్రా జోనాస్‌లకు పొరుగువారు అయ్యారు. అయితే కేవలం రెండు సంవత్సరాల తర్వాత వారు ఇంటిని $16.75 మిలియన్లకు మార్కెట్‌లో అమ్మ‌కానికి ఉంచారు. ఇది ఎన్‌సినోలో విక్రయిస్తున్న‌ అత్యంత ఖరీదైన ఆస్తి. $15.2 మిలియన్ల భారీ ధరతో DJ అండ్ నిర్మాత జెడ్ ఈ ఇంటిని కొనుగోలు చేసి 2021లో తన నివాసంగా మార్చుకున్నారు. ప్రస్తుతం 6 బెడ్‌రూమ్‌లు, 12 బాత్‌రూమ్‌లు, స్విమ్మింగ్ పూల్, హాట్ టబ్, గౌర్మెట్ కిచెన్ స‌హా అనేక అవుట్‌డోర్ సీటింగ్ ప్రాంతాలను కలిగి ఉన్న గ్రాండ్ U- ఆకారపు ఆస్తి $19 మిలియన్లకు మార్కెట్‌లో ఉంది.

అంతే కాదు.. ఈ ఇంటి గురించి తెలుసుకోవాల్సిన చాలా విష‌యాలున్నాయి! ఇది ఒకరిద్దరు సంగీత విద్వాంసుల పూర్వపు ఇల్లు కాబట్టి జిమ్ , ఆవిరి స్నాన స‌దుపాయాల‌తో కాకుండా గాత్ర బూత్ , రికార్డింగ్ స్టూడియోను కూడా కలిగి ఉంది. అత్యాధునిక హోమ్ థియేటర్ గురించి కూడా ఎక్కువగా మాట్లాడుకుంటున్నారు. జో జోనాస్ - సోఫీ టర్నర్ మొదటిసారిగా ఇంటిని మార్కెట్‌లో ఉంచినప్పుడు ఇది చాలా చర్చనీయాంశమైంది. అయితే జో - సోఫీ జంట‌కు ఇతర న‌గ‌రాల్లోను సొంత ఇల్లు ఉన్నాయి. ఫ్లోరిడాలోని మయామిలో $11 మిలియన్ల ఖ‌రీదైన భవనాన్ని గ‌తంలో కొనుగోలు చేశారు. అయితే జో గత సంవత్సరం సెప్టెంబర్‌లో విడాకుల కోసం దాఖలు చేయడానికి ముందు ఈ ఇల్లు కూడా మార్కెట్లో అమ్మకానికి వ‌చ్చింది.

గాయకుడు జో జోనాస్ త‌మ‌ వివాహాన్ని 'కోలుకోలేని బ్రేక‌ప్' అని వ్యాఖ్యానించాడు.. సోఫీ- జో మరుసటి రోజు వారి కస్టడీ యుద్ధం అసహ్యకరమైనదిగా మారడానికి ముందు తాము విడిపోతున్నామ‌ని ఉమ్మడి ప్రకటనను షేర్ చేసారు. ప్ర‌స్తుతం ముగ్గురు ప్రముఖుల తర్వాత నాగరిక కాలిఫోర్నియా ఆస్తిని ఎవరు కొనుగోలు చేస్తారనేది ఆసక్తికరంగా మారింది.