1000 కోట్ల క్లబ్ లో కల్కి 2898ఏడీ… ఇట్స్ అఫీషియల్

డార్లింగ్ ప్రభాస్ కల్కి 2898ఏడీ మూవీ ఈ ఏడాది ఇండియన్ బాక్సాఫీస్ నుంచి వచ్చిన అతి పెద్ద ప్రాజెక్ట్ గా నిలిచింది. కలెక్షన్స్ పరంగా కూడా కల్కి మూవీ రికార్డులు క్రియేట్ చేసింది. తాజాగా ఈ మూవీ 1000 కోట్ల కలెక్షన్స్ క్లబ్ లో చేరినట్లు వైజయంతీ మూవీస్ అఫీషియల్ గా ప్రకటించింది. వెయ్యి కోట్ల క్లబ్ లో చేరిన సెకండ్ సౌత్ ఇండియన్ మూవీగా కల్కి మూవీ రికార్డు సృష్టించింది. అలాగే సౌత్ సినిమాల పరంగా చూసుకుంటే నాన్ బాహుబలి మూవీ రికార్డులని కల్కి బ్రేక్ చేసింది.

నాగ్ అశ్విన్ సృష్టించిన ఫ్యూచర్ వరల్డ్ ఆడియన్స్ కి విపరీతంగా కనెక్ట్ అయ్యింది. స్టోరీ ఐడియా రెగ్యులర్ గా ఉన్న కథని ప్రెజెంట్ చేసిన బ్యాక్ డ్రాప్, దానికి విజువల్ ఎఫెక్ట్స్ తో నాగ్ అశ్విన్ సృష్టించిన ప్రపంచం అందరిని మంత్రముగ్దుల్ని చేసింది. ఈ కారణంగా చూసిన వారే మళ్ళీ మళ్ళీ కల్కి చిత్రాన్ని థియేటర్స్ లో చూసారు. నార్త్ ఇండియాలో 250+ కోట్ల కలెక్షన్స్ ని కల్కి మూవీ సొంతం చేసుకున్నట్లు తెలుస్తోంది. బాహుబలి 2, ఆర్ఆర్ఆర్, కేజీఎఫ్ చాప్టర్ 2 తర్వాత హిందీలో అత్యధిక కలెక్షన్స్ సాధించిన సినిమాగా కల్కి మూవీ నిలిచింది.

అలాగే కల్కి సినిమాతో ప్రభాస్ ఖాతాలో మరో 1000 కోట్ల సినిమా చేరింది. అమితాబ్ బచ్చన్ చాలా కాలం తర్వాత కల్కి చిత్రంతో తన బెస్ట్ పెర్ఫార్మెన్స్ ని ప్రేక్షకులకి చూపించారనే మాట వినిపించింది. అలాగే ఎక్కువ గ్లామర్ రోల్స్ కి పరిమితం అయిన దీపికా పదుకునే కూడా చాలా కాలం తర్వాత అద్భుతమైన పెర్ఫార్మెన్స్ తో మెప్పించిందనే ప్రశంసలు లభించాయి. అలాగే సంతోష్ నారాయణన్ అందించిన మూసి కూడా డిఫరెంట్ ఫీల్ ని క్రియేట్ చేసింది.

నాగ్ అశ్విన్ సృష్టించిన విజువల్ స్పెక్టక్యులర్ కి అందరూ ఫిదా అయిపోయారు. కమల్ హాసన్ కనిపించింది రెండు సీన్స్ లలోనే అయిన ఆయన ఇంపాక్ట్ మూవీపైన ఎక్కువగానే ఉందని చెప్పొచ్చు. నార్త్ అమెరికాలో కూడా కల్కి మూవీ 17 మిలియన్ డాలర్స్ క్రాస్ చేసింది. ఓవరాల్ గా ఈ సినిమా రిలీజ్ అయిన అన్ని భాషలలో కూడా సూపర్ హిట్ టాక్ సొంతం చేసుకొని నిర్మాతకి భారీ లాభాలు తెచ్చిపెడుతోంది.

తెలుగులో హైయెస్ట్ ప్రాఫిట్ సొంతం చేసుకున్న సినిమాల జాబితాలో కల్కి టాప్ 5లోకి వచ్చినట్లు తెలుస్తోంది. కల్కి మూవీ సక్సెస్ తో పార్ట్ 2 పైన భారీ అంచనాలు క్రియేట్ అయ్యి ఉన్నాయి. కల్కి పార్ట్ 2 సినిమాకి సంబందించిన స్క్రిప్ట్ వర్క్ నాగ్ అశ్విన్ స్టార్ట్ చేయబోతున్నట్లు తెలుస్తోంది. స్క్రిప్ట్ వర్క్ కంప్లీట్ అయిన తర్వాత మూవీ షూటింగ్ పై క్లారిటీ ఇవ్వబోతున్నట్లుగా తెలుస్తోంది.