కల్కి లీక్.. ఇది నిజం కాదు!

యంగ్ రెబల్ స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కుతున్న సినిమా కల్కి 2898 ఏడీ. జూన్ 27న ప్రపంచ వ్యాప్తంగా పాన్ వరల్డ్ రేంజ్ లో కల్కి మూవీ రిలీజ్ కాబోతోంది. భారీ బడ్జెట్ తో వైజయంతి మూవీస్ బ్యానర్ పై స్వప్న దత్, ప్రియాంక దత్ ఈ చిత్రాన్ని నిర్మిస్తున్నారు. ఇండియన్ ఫస్ట్ ఫ్యూచరిస్టిక్ కాన్సెప్ట్ మూవీగా కల్కి 2898 ఏడీ సిద్ధమవుతోంది.

ఈ కారణంగానే ఈ సినిమాపై భారీ అంచనాలు నెలకొని ఉన్నాయి. ప్రస్తుతం ఈ సినిమాకి సంబంధించిన విజువల్ ఎఫెక్ట్స్ వర్క్ నడుస్తోంది. కల్కి చిత్రంలో ప్రతి నాయకుడిగా యూనివర్సల్ యాక్టర్ కమల్ హాసన్ నటిస్తున్న సంగతి తెలిసిందే. కమల్ హాసన్ మెయిన్ విలన్ అని కన్ఫామ్ చేసినప్పటి నుంచి ఈ సినిమాపై నెక్స్ట్ లెవల్ హైప్ నడుస్తోంది.

ఇప్పటికే కల్కి మూవీ నుంచి ప్రభాస్ చేస్తున్న భైరవ క్యారెక్టర్ లుక్ రిలీజ్ అయింది. అమితాబచ్చన్ అశ్వద్ధామ క్యారెక్టర్ ని కూడా పరిచయం చేశారు. దీపికా పదుకొనే రోల్ పద్మావతి అంటూ క్లారిటీ ఇచ్చేశారు. అయితే కమల్ హాసన్ ఈ మూవీలో ఎలాంటి లుక్ లో కనిపిస్తాడు అనేది మాత్రం చిత్ర యూనిట్ రివీల్ చేయలేదు.

తాజాగా సోషల్ మీడియాలో ఒక ఫోటో సర్కులేట్ అవుతుంది. కల్కిలో కమల్ హాసన్ లుక్ ఇదే అంటూ ఆ ఫోటోని విస్తృతంగా ప్రచారం చేస్తున్నారు. కమల్ హాసన్ లుక్ లీక్ అయిందంటూ టాక్ నడుస్తోంది. అయితే ఇందులో ఎలాంటి వాస్తవం లేదంట. సోషల్ మీడియాలో సర్కులేట్ అవుతున్న కమల్ హాసన్ ఫోటో కల్కి సినిమాలో లుక్ కాదని చిత్ర యూనిట్ నుంచి వినిపిస్తున్న మాట.

కమలహాసన్ సంబంధించిన పాత ఫోటో ఒకటి వైరల్ చేసి కల్కి మూవీలో అతని లుక్ అంటూ ప్రచారం చేస్తున్నారని ప్రభాస్ అభిమానులు కామెంట్స్ చేస్తున్నారు. కమల్ హాసన్ క్యారెక్టర్ ఈ సినిమాలో చాలా భిన్నంగా ఉండబోతుందనే అభిప్రాయం వ్యక్తం అవుతుంది. మరి ఇందులో వాస్తవం ఎంత అనేది తెలియాల్సి ఉంది.

ప్రపంచ వ్యాప్తంగా 22 భాషలలో కల్కి మూవీ రిలీజ్ కాబోతోంది. నేరుగా హాలీవుడ్ లో రిలీజ్ కాబోతున్న ఇండియన్ సినిమా కూడా కల్కి 2898 ఏడీ అనే మాట వినిపిస్తోంది. ఈ సినిమా విజువల్ స్టాండర్డ్స్, కంటెంట్ అంతా కూడా హాలీవుడ్ సినిమాల తరహాలో ఉంటుందని ఇప్పటికే వచ్చిన టీజర్, గ్లింప్స్ తో స్పష్టం అయ్యింది. మరి కల్కి మూవీ వరల్డ్ వైడ్ గా ఎలాంటి అద్భుతం క్రియేట్ చేస్తుందనేది వేచి చూడాలి.