సూపర్ హిట్ ప్రాంచైజీలో చరణ్ బ్యూటీ

భరత్ అనే నేను సినిమాతో తెలుగు ప్రేక్షకులకు పరిచయం అయిన ముద్దుగుమ్మ కియారా అద్వానీ ప్రస్తుతం రామ్‌ చరణ్ కి జోడీగా గేమ్‌ చేంజర్‌ చిత్రంలో నటిస్తున్న విషయం తెల్సిందే. శంకర్ దర్శకత్వంలో రూపొందుతున్న గేమ్ చేంజర్ తో పాన్ ఇండియా ప్రేక్షకులను ఈ అమ్మడు పలకరించబోతుంది.

హిందీ చిత్రం సత్యప్రేమ్‌ కి కథ చిత్రంతో ప్రేక్షకుల ముందుకు వచ్చింది. ఆ సినిమా తో పాజిటివ్ రెస్పాన్స్ దక్కించుకుంది. ప్రస్తుతం ఈ అమ్మడు రణవీర్ సింగ్ తో కలిసి డాన్‌ 3 సినిమాలో నటించేందుకు ఎంపిక అయ్యింది. డాన్‌ తో ఇప్పటికే షారుఖ్ ఖాన్‌ తనదైన ముద్ర వేశాడు. ఇప్పుడు అదే ప్రాంచైజీ లో రణవీర్ సింగ్ సినిమా చేయబోతున్నాడు.

ఫర్హాన్‌ అక్తర్ దర్శకత్వంలో రూపొందబోతున్న డాన్‌ 3 సినిమాలో రణవీర్ సింగ్ కి జోడీగా కియారా అద్వానీ ఎంపిక అయినట్లుగా అధికారికంగా ప్రకటన వచ్చింది. ఈ సినిమాకు శంకర్ ఎహసాన్ లాయ్‌ సంగీతాన్ని అందిస్తున్నాడు. భారీ అంచనాల నడుమ మాస్‌ కమర్షియల్ యాక్షన్ గా ఈ సినిమా రూపొందబోతుంది.

ప్రస్తుతం ప్రీ ప్రొడక్షన్ వర్క్ జరుపుకుంటున్న డాన్‌ 3 సినిమాను 2025 సంవత్సరంలో విడుదల చేసే అవకాశౄలు ఉన్నాయి. ఈ సినిమా గతంలో వచ్చిన డాన్‌ సినిమాకు ఏమాత్రం తీసి పోకుండా ఉంటుంది అంటూ మేకర్స్ నమ్మకంగా చెబుతున్నారు. ఇలాంటి క్రేజీ సినిమాలో కియారా నటించే ఛాన్స్ దక్కించుకోవడంతో ఆమె బాలీవుడ్ లో మరింత బిజీ అయ్యే అవకాశాలున్నాయని ఇండస్ట్రీ వర్గాల వారు అంటున్నారు.