అంతర్జాతీయ వేదికపై గేమ్ చేంజర్‌...!

రామ్ చరణ్ హీరోగా శంకర్‌ దర్శకత్వంలో రూపొందుతున్న గేమ్‌ చేంజర్ సినిమా లో హీరోయిన్‌ గా నటిస్తున్న ముద్దుగుమ్మ కియారా అద్వానీ. ఇప్పటికే తెలుగు లో భరత్ అనే నేను మరియు వినయ విధేయ రామ సినిమాల్లో నటించిన ఈ అమ్మడు తెలుగు లో ముచ్చటగా మూడో సారి నటిస్తుంది.

సౌత్ సినిమాలతో పాటు బాలీవుడ్ సినిమాలతో బిజీ బిజీగా ఉన్న ఈ అమ్మడికి అంతర్జాతీయ వేదికపై సందడి చేసే అరుదైన అవకాశం దక్కింది. కేన్స్ ఫిల్మ్‌ ఫెస్టివల్‌ 2024 లో భారతదేశం తరపున ప్రాతినిధ్యం వహించే ఛాన్స్‌ ను కియారా అద్వానీ దక్కించుకుంది.

కియారా అద్వానీ కేన్స్ లో వానిటీ ఫెయిర్‌ హోస్ట్‌ చేస్తున్న రెడ్‌ సీ ఫిల్మ్‌ ఫౌండేషన్ యొక్క ఉమెన్‌ ఇన్ సినిమా గాలా డిన్నర్ కు హాజరు అవ్వబోతుంది. వివిధ దేశాలకు సంబంధించిన ప్రముఖులు ఈ వేడుకలో పాల్గొనబోతున్నారు. ఇండియా నుంచి కియారా అద్వానీతో పాటు ఐశ్వర్యరాయ్‌, శోభితా ధూళిపాళ మరియు అదితి రావు హైదరి కి ఈ ఛాన్స్ దక్కింది.

పెళ్లి అయిన తర్వాత కూడా సినిమాల్లో బిజీ బిజీగా ఉన్న కియారా అద్వానీ బాలీవుడ్‌ లో స్టార్‌ హీరోలకు మోస్ట్‌ వాంటెడ్ హీరోయిన్ గా ఆఫర్లు దక్కించుకుంటున్న విషయం తెల్సిందే. ఈ రేంజ్‌ లో అందాల విందు చేస్తున్న ఈ అమ్మడికి ముందు ముందు మరిన్ని గౌరవాలు దక్కాలని కోరుకుందాం.

ప్రస్తుతం ఈమె నటిస్తున్న గేమ్ చేంజర్ సినిమా ను ఇదే ఏడాది లో విడుదల చేయాలనే ఉద్దేశ్యంతో నిర్మాత దిల్ రాజు తీవ్రంగా ప్రయత్నాలు చేస్తున్నాడు. రామ్ చరణ్ మరియు కియారా అద్వానీ మధ్య ఉండే సన్నివేశాలు సినిమాకి అత్యంత కీలకంగా ఉంటాయని మేకర్స్ చెబుతున్నారు.