టైటిలే కాదు...హీరో లుక్ షాకింగ్ స‌ర్ ప్రైజ్!

బాలీవుడ్ లో విక్కీ కౌశ‌ల్ స‌క్సెస్ పుల్ గా దూసుకుపోతున్న హీరో. స‌రైన క‌థ‌ల్ని ఎంచుకుంటూ సీనియ‌ర్ హీరోల్నే త‌ల‌ద‌న్నుతున్నాడు. బ్యాడ్ న్యూజ్ తో ఇటీవలే మ‌రో స‌క్సెస్ ఖాతాలో వేసుకున్నాడు. ఏడాది ముగింపులో పీరియాడిక్ ఎంట‌ర్ టైన‌ర్ `ఛావా`తో ప్రేక్ష‌కుల ముందుకు రాబోతున్నాడు. ఈ సినిమాలు సెట్స్ లో ఉండ‌గానే కొత్త చిత్రాల‌కు అగ్రిమెంట్ చేసుకుంటున్నాడు. ఇటీవ‌లే మ‌డాక్ ఫిలింస్ అధినేత దినేష్ విజ‌న్ తో మ‌రో ఒప్పందం చేసుకున్నాడు.

అమర్ కౌశిక్ ఈ చిత్రానికి ద‌ర్శ‌క‌త్వం వ‌హిస్తున్నాడు. తాజాగా ఆ చిత్ర యూనిట్ ఊహించ‌ని స‌ర్ ప్రైజ్ ఇచ్చింది. విక్కీ కౌశ‌ల్ న్యూ లుక్ సహా చిత్ర టైటిల్ ని రివీల్ చేసారు. టైటిల్ ప్ర‌క‌ట‌న న్యూలుక్ తో ఇది అత‌డి కెరీర్ లోనే భారీ బ‌డ్జెట్ చిత్రంగా తెలుస్తోంది. ఈ త్ర‌యంలో చిత్రానికి `మహావతార్` అనే టైటిల్ ని ప్ర‌క‌టించారు. అలాగే చిరంజీవి ప‌ర‌శ‌రాముడి పాత్ర‌లో విక్కీ కౌశ‌ల్ క‌నిపించ‌నున్నాడు. దానికి సంబంధించిన ప్రీ లుక్ రిలీజ్ అయింది.

లుక్ అదిరిపోయింది. విక్కీ కౌశ‌ల్ లుక్ ఆద్యంతం ఆ శివుడినే పోలింది. లాంగ్ హెయిర్ ...ఉంగ‌రాలు తిరిగిన జుట్టు.. న‌డి నెత్తిన జుట్టు ముడి..క‌ళ్ల‌లో ఆ రౌద్రం..బాడీ షేప్ ప్ర‌తీది విక్కీ కౌశ‌ల్ ని కొత్త‌గా ప్ర‌జెంట్ చేస్తుంది. భ‌ళ్లుమంటోన్న ఆకాశం వైపు చూస్తూ....ముంద‌ర త్రిశూల్ ఆయుధం చూస్తుంటే ఆ పాత్ర ఎంతో శ‌క్తివంత‌మైంద‌ని తెలుస్తోంది. అభిమానుల‌కు గూస్ బంప్స్ తీసుకొచ్చే పోస్ట‌ర్ అనే చెప్పాలిది. ప్ర‌స్తుతం ఈ పోస్ట‌ర్ నెట్టింట వైర‌ల్ గా మారింది.

దీనికి సంబంధించి కొన్ని పోస్టులు వైర‌ల్ అవుతున్నాయి. `దినేష్ విజన్ ధర్మ యోధుని కథకు జీవం పోసిన‌ట్లే ఉంది. అయితే ఈ ప్రాజెక్ట్ ఇంకా సెట్స్ కివెళ్ల‌లేదు. ఇది ప్రీలుక్ మాత్ర‌మే. మేకర్స్ ఈ ప్రాజెక్ట్ నవంబర్ 2025లో ప్రారంభించాలని ప్లాన్ చేస్తున్నారు. అన్ని ప‌నులు పూర్తి చేసి 2026 క్రిస్మ‌స్ కానుక‌గా రిలీజ్ చేయాల‌ని స‌న్నాహాలు చేస్తున్నారు. విక్కీ కౌశ‌ల్ స‌హా మ‌డాక్ ఫిల్మ్స్ ఈ చిత్రాన్ని అత్యంత ప్ర‌తిష్టాత్మ‌కంగా ప్లాన్ చేస్తోంది. సినిమాకి భారీగానే బ‌డ్జెట్ కేటాయిస్తున్న‌ట్లు తెలుస్తోంది. కెరీర్ ప‌రంగా విక్కీ కౌశ‌ల్ ఓ ప్లానింగ్ ప్ర‌కారం ముందుకెళ్తున్నాడు. ఇప్పుడున్న యంగ్ హీరోల్లో విక్కీ కౌశ‌ల్ వేగంగా 1000 కోట్ల క్ల‌బ్ లో చేరే హీరోగా ఛాన్స్ ఉంది.