మహేష్ స్పెషల్ రోల్.. ఇది మ్యాటర్!

టాలీవుడ్ సూపర్ స్టార్ మహేష్ బాబు ప్రస్తుతం గుంటూరు సినిమా షూటింగ్ లో బిజీగా ఉన్నారు. నిజానికి ఈ మూవీ ఈ ఏడాదే ప్రేక్షకుల ముందుకు రానుంది. కానీ, చాలా కారణాల వల్ల షూటింగ్ ఆలస్యమౌతూ రావడం వల్ల వచ్చే ఏడాదికి వాయిదా పడింది. ఈ సినిమా అయిపోతే, మహేష్ రాజమౌళి సినిమా కోసం రెడీ అవ్వాలి. ఇక, ఈ మూవీ షూటింగ్ మొదలైతే, మళ్లీ ఇప్పట్లో మహేష్ ఖాళీగా కూడా దొరకడు.

ఇలాంటి సమయంలొ మహేష్ గురించి ఓ రూమర్ బయటకు వచ్చింది. ఆ రూమర్ ప్రకారం, మహేష్ ఓ సినిమాలో క్యామియో రోల్ చేస్తున్నారు అట. ఓ పెద్ద సినిమాలో స్పెషల్ రోల్ కోసం దర్శక నిర్మాతలు మహేష్ ని సంప్రదించారని, దానికి మహేష్ కూడా అంగీకరించారంటూ ప్రచారం జరుగుతోంది. అయితే, దీనిపై తాజాగా క్లారిటీ వచ్చింది.

ఆ వార్తల్లో ఎలాంటి నిజం లేదట. ఆయన ఎలాంటి క్యామియో రోల్స్ చేయడం లేదని క్లారిటీ వచ్చింది. మహేష్ కి ఇప్పటికే గుంటూరు కారం షూటింగ్ పూర్తి చేయాల్సిన పని ఉంది. అది అయిపోతే, మహేష్ తన బాడీని రాజమౌళి సినిమాకు తగినట్లు మార్చుకోవాల్సి ఉంది. ఇలాంటి సమయంలో ఆయన స్పెషల్ గా వేరే సినిమాల్లో కామియో చేసేంత ఫ్రీగా అయితే లేరు అని తెలుస్తోంది.

కానీ, ఒక వేళ మహేష్ కనుక దానికి ఒప్పుకుంటే మాత్రం అదిరిపోతుంది. మహేష్ కామియో చేయాలి అంటే, దానికి ఎంతో కొంత ప్రయార్టీ ఉన్న పాత్రే అవుతుంది. అది కూడా పెద్ద సినిమా అనే ప్రచారం జరిగింది కాబట్టి, మరింత హైప్ వచ్చే అవకాశం ఉంటుంది. ఇక, రాజమౌళి సినిమా వచ్చేలోపు, మహేష్ ని ఈ కాసేపు పెద్ద స్క్రీన్ పై చూశామనే హ్యాపీనెస్ ఫ్యాన్స్ కి కూడా దక్కేది. కానీ, అందులో నిజం లేదని తేలింది. నిజానికి అసలు ఇలాంటి ప్రపోజల్ సంగతి మహేష్ దరిదాపుల్లోకి కూడా వెళ్లేలేదట.

ఇక, గుంటూరు కారంలో మహేష్ సరసన శ్రీలీల హీరోయిన్ గా నటిస్తోంది. మరో హీరోయిన్ గా మీనాక్షి చౌదరి కీలక పాత్ర పోషిస్తోంది. త్రివిక్రమ్ దర్శకత్వంలో తెరకెక్కుతోంది.