మహేష్ బర్త్ డే.. ఈ విషెస్ చాలా స్పెషల్

సూపర్ స్టార్ మహేష్ బాబు, తెలుగు చిత్ర పరిశ్రమలో తన 25 ఏళ్ల ప్రయాణాన్ని విజయవంతంగా పూర్తి చేసుకుని, ఈరోజు (ఆగస్ట్ 9) తన 49వ పుట్టిన రోజును జరుపుకుంటున్నారు. ఈ సందర్భాన్ని ఆయన అభిమానులు, సినీ ప్రముఖులు, మరియు నెటిజన్లు ఎంతో ఆసక్తిగా, ఆనందంతో జరుపుకుంటున్నారు. ప్రతి సంవత్సరం మాదిరిగానే, ఈసారి కూడా మహేష్ బాబుకు శుభాకాంక్షల వెల్లువ కొనసాగుతోంది.

కానీ, ఈ ఏడాది పుట్టిన రోజు మరింత ప్రత్యేకంగా నిలిచింది. ఇటీవలే తన లుక్స్ తో మహేష్ బాబు మళ్ళీ వార్తల్లో నిలిచారు. తన బాడీ, హెయిర్ స్టైల్ లో చేసిన మార్పులతో కొత్త లుక్‌లో కనిపిస్తూ, తదుపరి ప్రాజెక్ట్ కోసం సిద్ధమవుతున్నారు. ఈ సారి రాజమౌళి దర్శకత్వంలో మహేష్ బాబు నటించబోతున్నారనే వార్తలు సినీ ప్రపంచంలో సంచలనం రేపుతున్నాయి. మహేష్ బాబు, రాజమౌళి కాంబినేషన్‌లో రాబోతున్న ఈ చిత్రం, ఇండస్ట్రీలో నెవ్వర్ బిఫోర్ అనేలా హైప్ క్రియేట్ చేసుకోబోతోంది.

ఇక మహేష్ బాబు పుట్టినరోజు సందర్భంగా తన కుమారుడు గౌతమ్, కుమార్తె సితార సోషల్ మీడియాలో తండ్రికి స్పెషల్ విషెస్ తెలియజేశారు, వారి ప్రేమను ఈ విధంగా పంచుకున్నారు. గౌతమ్ తన పోస్ట్‌లో "మీరు చేసే ప్రతి పనిలో మీరే సూపర్ స్టార్" అంటూ తన తండ్రిని ప్రశంసించాడు. అలాగే ఈ రోజే కాదు ప్ర‌తి రోజు మీకు అద్భుత‌మైన రోజు కావాల‌ని కోరుకుంటున్నాను. అని వివరణ ఇచ్చారు. ఇక సితార తన ఇన్‌స్టాగ్రామ్ పోస్ట్‌లో "మీరు ఈ ప్రపంచంలో ఉత్తమ తండ్రి" అంటూ నేను మిమ్మ‌ల్ని ఎప్ప‌టికీ ప్రేమిస్తూనే ఉంటాను అని తన ప్రేమను వ్యక్తం చేసింది.

మరియు ఇదే సందర్భంగా మహేష్ బాబు అభిమానులు రీ-రిలీజ్ అయిన మురారి సినిమాను థియేటర్లలో ఆస్వాదిస్తున్నారు. ఈ చిత్రం మహేష్ బాబు కెరీర్‌లో ఒక బిగ్గెస్ట్ హిట్ గా నిలిచిన విషయం తెలిసిందే. ఈ రీ-రిలీజ్‌తో మహేష్ అభిమానులు తిరిగి తమ హీరోను వెండితెరపై చూసి ఆనందం పొందుతున్నారు.

రాజమౌళి దర్శకత్వంలో తెరకెక్కబోయే మహేష్ బాబు కొత్త చిత్రం కోసం అభిమానులు ఎంతో ఆసక్తిగా ఎదురుచూస్తున్నారు. ఈ ప్రాజెక్ట్ త్వరలోనే పూజా కార్యక్రమాలతో ప్రారంభం కానుందని సమాచారం. ఈ సినిమాలో మహేష్ బాబు మరింత పవర్ఫుల్ పాత్రలో కనిపిస్తారని, సినిమా పరిశ్రమలో ఇది ఒక కొత్త ట్రెండ్ సెట్టర్‌గా నిలుస్తుందని అంచనా వేస్తున్నారు.