'మేజర్' బ్యూటీ చిట్టచివ‌రి సూర్యాస్త‌మ‌యం
మేజర్ బ్యూటీ సయీ మంజ్రేకర్ హిందీ- తెలుగు ప‌రిశ్ర‌మ‌ల్లో అవ‌కాశాలు అందుకుంటున్న సంగ‌తి తెలిసిందే.
మేజర్ బ్యూటీ సయీ మంజ్రేకర్ హిందీ- తెలుగు ప‌రిశ్ర‌మ‌ల్లో అవ‌కాశాలు అందుకుంటున్న సంగ‌తి తెలిసిందే. అడివి శేష్ స‌ర‌స‌న న‌టించిన పాన్ ఇండియా చిత్రం మేజర్ ఈ బ్యూటీకి మంచి పేరు తెచ్చింది. ఆ త‌రవాత రామ్ స‌ర‌స‌న స్కంధ చిత్రంలో న‌టించింది. కానీ ఆ చిత్రం ఫ్లాప్ గా నిల‌వ‌డం త‌న‌కు మైన‌స్ అయింది. గ‌ని లాంటి చిత్రంలో మెగా ప్రిన్స్ వ‌రుణ్ తేజ్ స‌ర‌స‌న డెబ్యూ నాయిక‌గా అడుగుపెట్టినా ఆరంగేట్రం నిరాశ‌ప‌రిచింది. కార‌ణం ఏదైనా స‌యీకి ల‌క్ ఫేవ‌ర్ చేయ‌లేద‌నే చెప్పాలి. ప్ర‌స్తుతం ఈ బ్యూటీ హిందీ చిత్ర‌సీమ‌పై దృష్టి సారించింది.
ఇటీవ‌లే ఓ పంజాబి సింగిల్ లోను సయీ మంజ్రేకర్ భాగ‌మైంది. త‌దుప‌రి హిందీలో ఒక పెద్ద ప్రాజెక్ట్ గురించి ప్ర‌క‌టించేందుకు సిద్ధ‌మ‌వుతోంద‌ని తెలిసింది. 2023 ముగింపు.. 31 డిసెంబ‌ర్ మిడ్ నైట్ సెల‌బ్రేష‌న్స్ లో సయీ కూడా ఫుల్ గా చిల్ చేసింది. 2023లో చివ‌రి సూర్యాస్త‌మ‌యం స‌మ‌యంలో ఫోటోషూట్ ను తాజాగా సయీ షేర్ చేసింది. కొండ కోన‌ల్లో ప‌చ్చందాల న‌డుమ సయీ మంజ్రేకర్ సూర్యాస్త‌మ‌యాన్ని ఆస్వాధిస్తున్న ఫోటోలు వైర‌ల్ అవుతున్నాయి. టాప్ లెస్ రెడ్ జిప్సీ లో సయీ గాగుల్స్ ధ‌రించి రెబ‌లియ‌న్ గా క‌నిపించింది.
మూగ జీవాల స‌మ‌క్షంలో బ‌ర్త్ డే వేడుక‌లు:
ప్రముఖ దర్శకుడు, నటుడు మహేష్ మంజ్రేకర్ కుమార్తె సాయి మంజ్రేకర్ ఇటీవ‌లే తన పుట్టినరోజు వేడుక‌ను జరుపుకుంది. ఈ సంద‌ర్భంగా తన నాలుగు కాళ్ల స్నేహితులతో స్పెష‌ల్ డేను సెల‌బ్రేట్ చేసుకుంది. సయీ పెట్స్ లో గుర్రాలతో ముచ్చ‌ట్లాడుతూ క‌నిపించింది. మూగ జీవులతో ఆప్యాయంగా మాట్లాడింది. రొటీన్ గ్లిట్జ్ అండ్ గ్లామర్‌కు మించిన బంధ‌మిది. సయీ వాటికి ముద్దులు పంచుతూ.. కౌగిలింతలతో స్నేహాన్ని క‌న‌బ‌రిచింది. సయీ తన పెంపుడు పిల్లితో ముచ్చటిస్తున్న వీడియో ఆక‌ట్టుకుంది. సయీ గుర్రాన్ని ముద్దాడుతున్న ఫోటో ఆక‌ట్టుకుంది. గుర్రపు స్వారీపై త‌న‌కున్న అభిరుచిని మాత్రమే కాకుండా ఈ అద్భుతమైన జంతువులతో త‌న‌కు ఉన్న దయగల అనుబంధాన్ని కూడా ఎలివేట్ చేసింది.
ప్రముఖ నటుడు-దర్శకుడు మహేష్ మంజ్రేకర్ కుమార్తె అయిన సయీ భారతదేశంలోని వివిధ చిత్ర పరిశ్రమలలో పనిచేశారు. మరాఠీ చిత్రం `కక్స్‌పర్ష్`తో బాలనటిగా అరంగేట్రం చేసింది. బాలీవుడ్ సూపర్ స్టార్ సల్మాన్ ఖాన్‌తో బహుభాషా చిత్రం `దబాంగ్ 3`లో న‌టించింది. 2022 లో మేజర్ చిత్రంతో టాలీవుడ్ లో అడుగుపెట్టింది. త‌దుప‌రి అజ‌య్ దేవగన్, టబు త‌దిత‌రులు న‌టిస్తున్న `ఔరోన్ మే కహా దామ్ థా` చిత్రంలో సయీ క‌థానాయిక‌గా న‌టించ‌నుంది. ఈ చిత్రానికి నీరజ్ పాండే దర్శకత్వం వహిస్తారు. `అయ్యారి` తర్వాత 5 సంవత్సరాలలో నీరజ్ దర్శకత్వం వహించిన మొదటి చిత్రమిది. ఈ చిత్రం 20 సంవత్సరాల పాటు సాగే సంగీత ప్రయాణం నేప‌థ్యంలో రూపొందుతోంది. 2002-2023 మధ్య ఈ మూవీ కథాంశం సాగ‌నుంది.