చరణ్ ఇంట్లో కొంతకాలం ఉన్నా - మంచు లక్ష్మి

మంచు మోహన్ బాబు కూతురు అనే ఇమేజ్ తో టాలీవుడ్ లోకి నటిగా అడుగుపెట్టిన మంచు లక్ష్మి తక్కువ కాలంలో తనకంటూ ప్రత్యేకమైన గుర్తింపు సొంతం చేసుకుంది. మొదటి అనగనగా ఒక ధీరుడు సినిమాలో విలన్ గా నటించిన మంచు లక్ష్మి పవర్ ఫుల్ పెర్ఫార్మెన్స్ తో ఆకట్టుకుంది. తరువాత నటిగా గుర్తుండిపోయే పాత్రలు చేస్తూ వచ్చింది. అలాగే నిర్మాతగా కూడా మారి తానే లీడ్ రోల్ లో కొన్ని సినిమాలు చేసింది. వాటిలో చాలా వరకు వర్క్ అవుట్ కాలేదు.

తాజాగా యక్షిణీ అనే వెబ్ సిరీస్ లో మంచు లక్ష్మి కీలక పాత్రలో నటించింది. అలాగే రెండు సినిమాలు రిలీజ్ కి సిద్ధంగా ఉన్నాయి. ఇదిలా ఉంటే గత కొంతకాలం నుంచి మంచు లక్ష్మి ముంబైలో ఉంటోంది. హిందీ సినిమాలలో అవకాశాల కోసం ముంబై లో అడుగుపెట్టింది. ఏదైనా ఉన్నది ఉన్నట్లు మాట్లాడటం మంచు లక్ష్మి నైజం. ఎవరు ఎన్ని రకాలుగా తన మాటలని చేతులని ట్రోల్ చేసిన వాటిని కేర్ చేయదు.

ముంబై అడుగుపెట్టిన తర్వాత మంచు లక్ష్మి రెగ్యులర్ గా ఫోటోషూట్ లు చేస్తూ అక్కడి మేకర్స్ కి టచ్ లోకి వెళ్లే ప్రయత్నం చేస్తోంది. ఇదిలా ఉంటే తాజా ఓ ఇంటర్వ్యూలో మంచు లక్ష్మి ఆసక్తికర విషయాలు పంచుకుంది. ఈ సందర్భంగా ఇంటర్వ్యూలో ఇంటరెస్టింగ్ విషయాన్ని రివీల్ చేసింది. ముంబైకి వచ్చిన కొత్తలో తాను స్టే చేయడానికి హౌస్ దొరకలేదని, అలాంటి సమయం రామ్ చరణ్ తన ముంబై ఇంట్లో ఉండమని చెప్పాడని పేర్కొంది.

నీకు ఎన్ని రోజులు ఉండాలని అనిపిస్తే అన్నిరోజులు ఉండు అని రామ్ చరణ్ తన ఇంటి తాళాలు నాకు ఇచ్చేసాడని మంచు లక్ష్మి చెప్పుకొచ్చింది. నేను ఎంత కాలం ఉన్నానో అనే విషయం కూడా చరణ్ కి తెలియదని చెప్పింది. చరణ్ చేసిన సాయం చాలా గొప్పదని లక్ష్మి కొనియాడింది. అలాంటి ఫ్రెండ్ ఉండటం నిజంగా తన అదృష్టం అని పేర్కొంది. అయితే ఈ విషయం బయటపెట్టకపోవడానికి కారణం ఉంది.

ఏమైనా చెబితే దానిపై రకరకాల పుకార్లు ప్రచారంలోకి వస్తాయి. అలాంటి వాటికి దూరంగా ఉండాలని చరణ్ కూడా ఈ విషయాన్ని ఎక్కడా చెప్పే ప్రయత్నం చేయలేదు. నాకు ఆ అవసరం లేదు. ఇప్పుడు అతని వ్యక్తిత్వం ఎలాంటిదో చెప్పడానికి ఈ విషయాన్ని పంచుకుంటున్న అని మంచు లక్ష్మి ఇంటర్వ్యూలో పేర్కొంది.