మంచు కన్నప్ప.. పెద్ద ప్లానే..!

డైలాగ్ కింగ్ మంచు మోహన్ బాబు గురించి స్పెషల్ గా పరిచయం చేయాల్సిన అవసరం లేదు. ఆయనకు విపరీతమైన ఫ్యాన్ ఫాలోయింగ్ ఉంది. మోహన్ బాబు దాదాపు 100 కి పైగా చిత్రాల్లో నటించి, మంచి ప్రేక్షాకాదరణ పొందారు. అతను డైలాగ్ డెలివరీ చేసే విధానం అందరికీ నచ్చుతుంది. అయితే, ఈ మంచు హీరో సంపాదించుకున్న స్టార్ డమ్ ని ఆయన వారసులు కంటిన్యూ చేయలేకపోయారు.

మోహన్ బాబు వారసులుగా మంచు విష్ణు, మంచు మనోజ్ ఇద్దరూ హీరోలుగా పరిచయం అయినా, పెద్దగా సక్సెస్ కాలేకపోయారు. ప్రస్తుతం ఇద్దరూ చాలా కాలంగా సినిమాలు చేయడం లేదు. అయితే, ఈ సారి మాత్రం బాక్సాఫీసును షేక్ చేయాలని మంచు విష్ణు భావిస్తున్నారు. చాలా కాలం తర్వాత ఆయన ఓ భారీ ప్రాజెక్ట్ చేయడానికి ముందుకు వచ్చారు.

ఆయన భక్త కన్నప్ప చిత్రాన్ని మరోసారి ఇప్పటి ప్రేక్షకులకు పరిచయం చేయాలని అనుకుంటున్నారు. ఆయన ప్రధాన పాత్ర పోషిస్తున్న ఈ చిత్రం పేరు కన్నప్ప. ఈ భక్తికరస చిత్రాన్ని తాజాగా ప్రముఖ పుణ్యక్షేత్రం శ్రీ కాళహస్తిలో ప్రారంభించారు. ఈ సినిమా పాన్ ఇండియా లెవల్ ల్లో ప్రేక్షకులకు అందించాలని ఆయన అనుకుంటున్నారు.

ఈ చిత్రాన్ని సాదా,సీదాగా కాకుండా భారీ బడ్జెట్ లో తెరకెక్కించాలని అనుకుంటున్నారు. ఈ సినిమాకి దాదాపు రూ.90కోట్ల బడ్జెట్ పెడుతున్నట్లు తెలుస్తోంది. హీరోయిన్ గా కృతి సనన్ సోదరి నుపుర్ సనన్ ని ఎంపిక చేశారు. దర్శకుడిని సైతం బాలీవుడ్ కి చెందిన వ్యక్తినే ఎంపిక చేయడం గమనార్హం.

మహాభారత హిందీ సీరియల్ కి దర్శకత్వం వహించిన డైరెక్టర్ మఖేష్ కుమార్ సింగ్, ఈ సినిమాకి కూడా దర్శకత్వం అందించనున్నారు. ఇక, ప్రముఖ రచయితలు పరుచూరి గోపాలకృష్ణ, సాయి మాధవ్, తోట ప్రసాద్ కథను అందించగా, మణిశర్మ మ్యూజిక్ అందిస్తున్నారు. మరి ఈ భారీ బడ్జెట్ సినిమా అయినా, ఈ మంచువారి అబ్బాయికి సక్సెస్ ఇస్తుందో లేదో చూడాలి.