మహేష్ హీరోయిన్‌ ఎంతటి సాహసం చేసిందో చూడండి

2018 లో ఫెమినా మిస్ ఇండియాగా, మిస్‌ గ్రాండ్ ఇంటర్నేషనల్ ఫస్ట్‌ రన్నపర్‌ గా నిలిచిన ముద్దుగుమ్మ మీనాక్షి చౌదరి. తెలుగు లో ఈ అమ్మడు 2021 లో ఇచ్చట వాహనములు నిలుపరాదు సినిమాతో ఎంట్రీ ఇచ్చింది. మొదట సినిమా కమర్షియల్‌ గా నిరాశ పరిచినా కూడా నటిగా మాత్రం ఆఫర్లు తెచ్చి పెట్టింది.

చిన్న సినిమాలు చేస్తూ కెరీర్‌ లో ముందుకు సాగుతున్న ముద్దుగుమ్మ కు సూపర్ స్టార్‌ మహేష్ బాబు సినిమా గుంటూరు కారం లో సెకండ్‌ హీరోయిన్‌ గా నటించే అవకాశం దక్కింది. ప్రస్తుతం ఈ అమ్మడు తమిళ సూపర్‌ స్టార్‌ విజయ్‌ తో ఒక సినిమాను చేయడంతో పాటు పలు తెలుగు మరియు తమిళ సినిమాల్లో నటిస్తోంది.

నటిగా రాబోయే రెండేళ్ల కాలంకు ఫుల్ బిజీగా డైరీని ఉంచుకున్న ముద్దుగుమ్మ మీనాక్షి తాజాగా స్నేహితులతో షికారుకు అన్నట్లుగా వెళ్లింది. అక్కడ సరదాగా స్నేహితులతో ఆడుతూ పాడుతూ ఎంజాయ్‌ చేసింది. అంతే కాకుండా చాలా ఎత్తైన కొండపై నుంచి నీటిలోకి దూకి అందరిని సర్‌ప్రైజ్‌ చేసింది.

తన ట్రిప్ కు సంబంధించిన పోటోలు మరియు వీడియోలను ముద్దుగుమ్మ మీనాక్షి షేర్‌ చేసింది. సాధారణంగా హీరోయిన్స్ ఇలాంటి సాహసాలు చేసేందుకు భయపడుతారు. కానీ మీనాక్షి మాత్రం చాలా ఈజీగా అంత ఎత్తు నుంచి నీటిలో దూకింది. ప్రస్తుతం ఈ వీడియో వైరల్‌ అవుతోంది. ఈ వీడియోను మీరు ఒక లుక్కేయండి.