సిద్ధార్థ్ 'మిస్ యూ' మూవీ.. ట్రైలర్ ఎలా ఉందంటే?

హీరో సిద్ధార్థ్ కి టాలీవుడ్ లో ఎలాంటి క్రేజ్ ఉందో అందరికీ తెలిసిందే. బొమ్మరిల్లు సినిమాతో తెలుగులో తనదైన ఫ్యాన్ బేస్ క్రియేట్ చేసుకున్నారు. స్పెషల్ ఇమేజ్ సంపాదించుకున్నారు. ఆ తర్వాత వరుస సినిమాల్లో నటించారు. లవర్ బాయ్ గా క్రేజ్ దక్కించుకున్న సిద్ధార్థ్.. మధ్యలో కొన్ని యాక్షన్, సీరియస్ పాత్రల్లో కనిపించారు. కానీ హిట్స్ అందుకోలేకపోయారు.

ఆ మధ్య సినిమాలకు కాస్త బ్రేక్ ఇచ్చిన సిద్ధార్థ్.. ఇప్పుడు కెరీర్ పై మళ్లీ ఫోకస్ పెట్టారు. ఇటీవల ఎమోషనల్ ఎంటర్టైనర్ చిన్నా మూవీతో తెలుగులో మంచి హిట్ అందుకున్నారు. మధ్యలో కమల్ హాసన్ భారతీయుడు-2లో యాక్ట్ చేసినా హిట్ సాధించలేకపోయారు. ఇప్పుడు రొమాంటిక్ ఎంటర్టైనర్ మిస్ యూతో సందడి చేసేందుకు సిద్ధమవుతున్నారు. సింగం ఫేమ్ డైరెక్టర్ ఎన్ రాజ‌శేఖ‌ర్ దర్శకత్వం వహిస్తున్నారు.

మిస్ యూ మూవీలో సిద్ధార్థ్ సరసన ఆషిక రంగనాథ్ హీరోయిన్ గా నటిస్తున్నారు. 7 మైల్స్ పర్ సెకెండ్ బ్యానర్ పై తమిళ్ ప్రొడ్యూసర్ శామ్యూల్ మాథ్యూ నిర్మిస్తున్నారు. ఇప్పటికే ఈ మూవీ నుంచి మేకర్స్ రిలీజ్ చేసిన పోస్టర్స్, టీజర్.. సినీ ప్రియులను ఓ రేంజ్ లో ఆకట్టుకున్నాయి. సినిమాపై మంచి బజ్ క్రియేట్ చేశాయి. అదే జోష్ తో మేకర్స్.. ట్రైలర్ ను శనివారం రిలీజ్ చేశారు.

ఒక లవ్ స్టోరీరా అంటూ సిద్ధార్థ్ చెప్పిన డైలాగ్ తో ట్రైలర్ స్టార్ట్ అయింది. ఆ తర్వాత హీరోయిన్ తో హీరో ప్రేమలో పడతాడు. ఆ సమయంలో ఇద్దరి మధ్య ఉన్న కామెడీ సీన్స్ మెప్పిస్తాయి. మూవీ నైట్ షోకు వెళ్ళినప్పుడు నిద్ర వస్తే ఏం చేయాలంటూ హీరోహీరోయిన్ల మధ్య జరిగిన సంభాషణ కామెడీగా ఉంటుంది. ఆ తర్వాత ట్రైలర్ సీరియస్ మోడ్ లోకి వెళ్ళిపోయింది.

ఢిల్లీలో నేను కాళ్లు పట్టుకుంటాను.. ఇక్కడ అంతా నా కాళ్లు పట్టుకుంటారు అంటూ విలన్ ఎంట్రీ ఇస్తారు. అయితే హీరో హీరోయిన్లు పెళ్లి చేసుకుందామని అనుకునేలోపు విడిపోతారు. కానీ ఎందుకనేది ట్రైలర్ లో రివీల్ చేయలేదు. మనకు నచ్చిన దాని కోసం అన్ని విధాలా ట్రై చేయాలి.. ఆ తర్వాత మనకి దక్కలేదంటే మన తప్పు కాదు అనే డైలాగ్.. హైలెట్ గా నిలుస్తుంది. మన జీవితంలో హర్రర్ లవ్ స్టోరీ స్క్రిప్ట్స్ ఒకటే మావా అనే డైలాగ్ తో ట్రైలర్ ముగుస్తుంది.

అయితే ట్రైలర్ లో సిద్ధార్థ్ తన యాక్టింగ్ తో మెప్పించారు. ఆషికా కూడా తన క్యూట్ లుక్స్ తో ఆకట్టుకున్నారు. లవ్ ఎంటర్టైనర్ మూవీకి కాస్త పొలిటికల్ ఎలిమెంట్స్ యాడ్ చేయడం బాగుంది. విజువల్స్, బ్యాక్ గ్రౌండ్ స్కోర్.. అట్రాక్ట్ చేస్తున్నాయి. ఓవరాల్ గా ట్రైలర్.. సినిమాపై అంచనాలు పెంచుతోంది. ఆద్యంతం ఆకట్టుకుంటోంది. మరి సిద్ధార్థ్.. మిస్ యూ మూవీతో ఎలాంటి హిట్ అందుకుంటారో వేచి చూడాలి.