మృణాల్ బ్రదర్‌కి బిగ్ షాక్‌..!
పాన్ ఇండియా స్థాయిలో సినిమాలు చేస్తున్న మృణాల్ ఠాకూర్‌ సోదరుడు ధవల్ ఠాకూర్‌ నటుడిగా ఎంట్రీ ఇచ్చాడు.
తెలుగు ప్రేక్షకులకు 'సీతారామం' సినిమాతో పరిచయం అయిన ముద్దుగుమ్మ మృణాల్ ఠాకూర్‌. తక్కువ సమయంలోనే స్టార్‌ హీరోయిన్‌గా తెలుగులో మంచి గుర్తింపు దక్కించుకున్న ఈ అమ్మడు తమిళ్‌తో పాటు హిందీలోనూ వరుసగా సినిమాలు చేస్తున్న విషయం తెల్సిందే. పాన్ ఇండియా స్థాయిలో సినిమాలు చేస్తున్న మృణాల్ ఠాకూర్‌ సోదరుడు ధవల్ ఠాకూర్‌ నటుడిగా ఎంట్రీ ఇచ్చాడు. సినిమాతో కాకుండా ధవల్ వెబ్‌ సిరీస్‌తో తన అదృష్టంను పరీక్షించుకున్నాడు. 'తుక్రా కే మేరా ప్యార్‌' అనే వెబ్‌ సిరీస్ ద్వారా హిందీ ప్రేక్షకుల ముందుకు మృణాల్ బ్రదర్‌ ధవల్ రావడం జరిగింది.
ఉత్తర ప్రదేశ్‌ బ్యాక్ డ్రాప్‌లో సాగే ఒక ప్రేమ కథతో ఈ వెబ్‌ సిరీస్‌ను రూపొందించడం జరిగింది. పేద కుర్రాడు, ధనవంతుల కుటుంబానికి చెందిన అమ్మాయితో ప్రేమలో పడితే ఏం జరుగుతుంది అనేది ఈ సిరీస్‌లో చూపించే ప్రయత్నం చేశారు. ఇలాంటి కథలు చాలా సినిమాల్లో వచ్చాయి. పెద్దగా కొత్తగా దర్శకుడు ఏమీ చూపించలేక పోయాడు. దాంతో వెబ్‌ సిరీస్ ప్రేక్షకులను మెప్పించడంలో విఫలం అయింది. ఇదో రొటీన్‌ ప్రేమ కథ అని, కాలం చెల్లిన ప్రేమ కథతో ఈ వెబ్‌ సిరీస్‌ను తీశారు అంటూ రివ్యూలు వచ్చాయి. దాంతో ఈ వెబ్‌ సిరీస్‌ను ప్రేక్షకులు చూసేందుకు ఆసక్తి చూపడం లేదు.
డిస్నీ ప్లస్ హాట్‌ స్టార్‌లో స్ట్రీమింగ్‌ అవుతున్న ఈ వెబ్‌ సిరీస్ యూత్‌ ఆడియన్స్‌కి సైతం కనెక్ట్‌ కాలేక పోయింది. వెబ్‌ సిరీస్ అంటే రొమాంటిక్‌ సీన్స్‌, యాక్షన్‌ సీన్స్‌ను ప్రేక్షకులు ఆశిస్తున్నారని, ఈ వెబ్‌ సిరీస్‌లో అలాంటివి లేవు అంటూ కొందరు అభిప్రాయం వ్యక్తం చేస్తున్నారు. మొత్తానికి మృణాల్ ఠాకూర్‌ సోదరుడు అయిన ధవల్ ఠాకూర్‌కి నటుడిగా సరైన ఎంట్రీ దక్కలేదు. చూడ్డానికి బాలీవుడ్‌ కుర్ర హీరోగా బాగానే ఉన్నా మంచి కథ ఎంపిక చేసుకోలేక పోవడం తో మొదటి ప్రయత్నం ఫ్లాప్ అయ్యింది అంటూ కొందరు అభిప్రాయం వ్యక్తం చేస్తున్నారు. నటుడిగా ధవల్ కి పాజిటివ్‌ మార్కలు పడ్డాయి.
కొన్ని ఎమోషనల్‌ సీన్స్‌తో పాటు, లవ్‌ సీన్స్‌లో, ఇన్నోసెంట్‌గా నటించి మెప్పించాడు. వెబ్‌ సిరీస్‌లో ధవల్ కి జోడీగా నటించిన సంచితా బాషు ఆకట్టుకుంది. సోషల్‌ మీడియాలో ఆమె ఫోటోలు వీడియోలు తెగ వైరల్‌ అవుతున్నాయి. శ్రద్ధా పాసి జైరత్ దర్శకత్వంలో రూపొందిన ఈ వెబ్‌ సిరీస్‌లో కొత్తదనం లేకపోవడంతో పాటు ప్రేక్షకులు కోరుకున్న కమర్షియల్‌ ఎలిమెంట్స్ లేకపోవడంతో తిరస్కరణకు గురి అయింది. త్వరలోనే ధవల్ మరో ప్రాజెక్ట్‌ తో వస్తాడేఓ చూడాలి. మృణాల్ ఠాకూర్‌ మాత్రం సౌత్‌, నార్త్‌లో వరుస సినిమాలు చేస్తూ దూసుకు పోతుంది. మృణాల్ కి దక్కిన సక్సెస్‌ ధవల్ కి దక్కేనా అనేది చూడాలి. మృణాల్ సైతం ఇండస్ట్రీలో అడుగు పెట్టిన వెంటనే హిట్‌ కొట్టలేదు. కనుక ధవల్ ప్రయత్నిస్తే ఫ్యూచర్‌లో మంచి స్టార్‌ అయ్యే అవకాశాలు లేకపోలేదు అంటూ విశ్లేషకులు అభిప్రాయం వ్యక్తం చేస్తున్నారు.