నా సామి రంగ.. వరలక్ష్మి అందంకు నాగ్ ఫిదా

అక్కినేని నాగార్జున నుంచి రాబోతున్న మాస్ ఫ్యామిలీ డ్రామా నా సామి రంగా సినిమా సంక్రాంతి నీ టార్గెట్ చేసిన విషయం తెలిసిందే. నాగార్జున గతంలో సోగ్గాడే చిన్నినాయన బంగార్రాజు లాంటి సినిమాలతో సంక్రాంతికి మంచి సక్సెస్ లను సొంతం చేసుకున్నాడు. ఇక ఇప్పుడు కూడా అదే సెంటిమెంట్ ఠీ నా సామీ రంగ సినిమాను రంగంలోకి దింపబోతున్నాడు.

అయితే ఈ సినిమా ప్రమోషన్స్ విషయంలో చిత్ర యూనిట్ కాస్త నెమ్మదిగా వెళుతుందని అందుకే ఈ సినిమా వాయిదా పడే అవకాశం ఉన్నట్లుగా కూడా చాలా రకాల గాసిప్స్ అయితే వచ్చాయి. అయితే అందులో ఎలాంటి నిజం లేదు అని సంక్రాంతిని టార్గెట్ చేస్తూ ఈ సినిమా పోటీలో ఉండబోతోంది అని క్లారిటీ వచ్చేసింది.

ఇక సినిమాకు సంబంధించిన అప్డేట్స్ తో పాజిటివ్ వైబ్రేషన్స్ క్రియేట్ అయ్యేలా అడుగులు వేస్తూ ఉన్నారు. మొదటి పాటను విడుదల చేయబోతున్నట్లు ఒక స్పెషల్ వీడియో కూడా విడుదల చేశారు. ఈ సినిమాలో నాగార్జునకు జోడిగా ఆశికా రంగనాథ్ కనిపించబోతోంది. అయితే ఆమెకు సంబంధించిన ప్రోమో ద్వారా సాంగ్ అప్డేట్ అయితే ఇచ్చారు.

ఆ వీడియోలో వరలక్ష్మీ పాత్రలో ఆశిక అద్దంలో చూసుకుంటూ చాలా సిగ్గుపడుతూ ఉంటుంది. ఇక తర్వాత గోడ దగ్గర నుంచి నాగార్జున వరలక్ష్మి నీ రొమాంటిక్ ఫీల్ తో చూస్తూ కనిపిస్తున్నాడు. ఇద్దరి మధ్యలో ఉండే ఆ ప్రేమ సన్నివేశాలు హైలైట్ గా ఉండబోతున్నట్లు తెలుస్తోంది. ఎత్తుకుపోవాలని అనిపిస్తుంది అనే ఈ పాటను త్వరలోనే విడుదల చేయబోతున్నట్లుగా ఈ వీడియోలో తెలియజేశారు.

ఇక ఎం ఎం కీరవాణి అందించిన మ్యూజిక్ అద్భుతంగా ఉండబోతున్నట్లు ఈ ప్రోమో ద్వారా అర్థమవుతుంది. ఈసారి నాగార్జునతో ఫ్యామిలీ ఆడియెన్స్ తో పాటు యువతను కూడా మాస్ ఎలిమెంట్స్ తో ఆకట్టుకోబోతున్నట్లు తెలుస్తోంది ఈ తరహా లో నాగార్జున చేసిన ప్రయోగాలు సంక్రాంతికి మంచి సక్సెస్ అయ్యాయి. మరి నా సామిరంగా సినిమా ఎలాంటి రికార్డులను క్రియేట్ చేస్తుందో చూడాలి. ఈ సినిమాలకు బిన్నీ విజయ్ దర్శకత్వం వహిస్తుండగా శ్రీనివాస సిల్వర్ స్క్రీన్స్ నిర్మిస్తోంది. అలాగే ఈ సినిమాలో అల్లరి నరేష్ రాజ్ తరుణ్ కూడా ప్రత్యేకమైన పాత్రలలో కనిపించబోతున్నారు.