పాన్ ఇండియా.. నాని స్టార్ స్ట్రాటజీ

ప్రస్తుత రోజుల్లో పాన్ ఇండియా మార్కెట్లో పట్టు సాధించాలంటే అంత ఈజీ కాదు. జనాలు అయితే భాషతో సంబంధం లేకుండా సినిమాలు చూసేందుకు థియేటర్లకు వస్తున్నారు. అయితే మంచి కంటెంట్ తో పాటు స్టార్ క్యాస్ట్ కూడా కొంత హైలెట్ అవ్వాలి. అప్పుడే దేశవ్యాప్తంగా గుర్తింపు అందుకునే అవకాశం ఉంటుంది. ఇక ప్రస్తుత హీరోల్లో ఆ దిశగా అడుగులు వేస్తున్న వారిలో నాని కూడా టాప్ లిస్టులో ఉన్నాడని చెప్పవచ్చు.

దసరా సినిమాకు దేశవ్యాప్తంగా బాగానే ప్రమోషన్స్ చేసినప్పటికీ కూడా ఆ సినిమా మిగతా భాషల్లో పెద్దగా క్లిక్ అయితే కాలేదు. అయితే ఈసారి చేయబోయే సినిమాలు మాత్రం అన్ని భాషల వారికి దగ్గరగా ఉండేలా రిలీజ్ చేయాలని అనుకుంటున్నాడు. ముందుగా కంటెంట్ విషయంలో కాంప్రమైజ్ అవ్వని నాని స్టార్ క్యాస్ట్ విషయంలో కూడా అదే తరహాలో ఆలోచిస్తున్నట్లుగా తెలుస్తోంది. రీసెంట్ గా వచ్చిన సరిపోదా శనివారం సినిమాలో కూడా నాని ఆ స్ట్రాటజీ ఫాలో అయ్యాడు.

ప్రతినాయకుడి పాత్ర కోసం తమిళ విలన్ సూర్యను సెలెక్ట్ చేసుకున్న విషయం తెలిసిందే. అందుకే కోలీవుడ్ లో నానికి కొంత పట్టు దొరికింది. సినిమాలో సూర్య నానిని డామినేట్ చేశాడు అనేలా కామెంట్స్ వినిపించాయి. అయినప్పటికీ కూడా నాని హీరోగా తన మార్కెట్ వర్కౌట్ అవ్వాలి అని దర్శకుడికి మంచి ఫ్రీడమ్ అయితే ఇచ్చాడు. ఇక ఇప్పుడు అదే తరహాలో ప్రణాళికను మరొక సినిమా కోసం రచిస్తున్నట్లుగా తెలుస్తోంది.

ఓజీ దర్శకుడు సుజిత్ దర్శకత్వంలో నాని ఒక సినిమా చేయబోతున్న విషయం తెలిసిందే. అయితే ఆ సినిమాలో మరొక ప్రముఖ హీరో కూడా కనిపించబోతున్నట్లుగా తెలుస్తోంది. నానితో సమానంగా కాకపోయినప్పటికీ దాదాపు అదే రేంజ్ లో ఉంటుందట. అబ్పాత్రకు కాస్త నెగెటివ్ టచ్ కూడా ఉంటుందని తెలుస్తోంది. టాలీవుడ్ కాకుండా ఇతర ఇండస్ట్రీలోని స్టార్ హీరోలను సెలెక్ట్ చేసుకోవాలని ఆలోచిస్తున్నట్లుగా తెలుస్తోంది.

మార్కెట్ పరంగా కూడా బాగా హెల్ప్ అవుతుంది అని ఈ విధంగా ఆలోచిస్తున్నారు. ప్రస్తుతం సుజిత్ ఓజి సినిమాకు ఫినిషింగ్ టచ్ ఇస్తున్న విషయం తెలిసిందే. అయితే షూటింగ్లో గ్యాప్ వచ్చినప్పుడు మాత్రం నానితో కూర్చుని ప్రాజెక్టుకు సంబంధించిన ప్రీ ప్రొడక్షన్ పనులను కొనసాగిస్తున్నట్లుగా తెలుస్తోంది. త్వరలోనే సెకండ్ హీరో క్యారెక్టర్ ను ఫైనల్ చేయాలని అనుకుంటున్నారు. ఇక మరోవైపు నాని హిట్ 3తో బిజీగా ఉన్న విషయం తెలిసింది. అలాగే మరికొన్ని ప్రాజెక్టులపై కూడా త్వరలోనే అఫీషియల్ గా క్లారిటీ ఇవ్వబోతున్నట్లు సమాచారం.