నాని నెట్ ఫ్లిక్స్ డీల్స్.. ఇది మామూలు క్రేజ్ కాదు

నేచురల్ స్టార్ నాని గత ఏడాది దసరాతో బ్లాక్ బస్టర్ హిట్ ని ఖాతాలో వేసుకున్నాడు. ఈ మూవీ ఏకంగా వంద కోట్లకి పైగా గ్రాస్ వసూళ్లు చేసింది. నాని కెరియర్ లోనే హైయెస్ట్ కలెక్షన్స్ సొంతం చేసుకున్న మూవీగా దసరా నిలిచింది. తరువాత హాయ్ నాన్న మూవీతో క్లాసిక్ హిట్ అందుకున్నారు. ఫ్యామిలీ ఆడియన్స్ కి ఈ సినిమాబాగా కనెక్ట్ అయ్యింది. మృణాల్ ఠాకూర్, నాని ఆన్ స్క్రీన్ లవ్ స్టోరీ ప్రతి ఒక్కరికి కనెక్ట్ అయ్యింది.

అలాగే కూతురి సెంటిమెంట్ కూడా సినిమాకి ఎమోషనల్ గా కనెక్ట్ అయ్యింది. ఈ కారణంగా ఓటీటీలో రిలీజ్ అయిన తర్వాత కూడా హాయ్ నాన్న సినిమాకి అద్భుతమైన ఆదరణ లభిస్తోంది. ఈ సినిమాని నెట్ ఫ్లిక్స్ ఫ్యాన్సీ ధరకి సొంతం చేసుకుంది. ప్రస్తుతం హాయ్ నాన్న మూవీ టాప్ టెన్ లో ట్రెండింగ్ అవుతోంది. దసరా సినిమాని కూడా నెట్ ఫ్లిక్స్ సొంతం చేసుకొని భారీ ఆదరణ సొంతం చేసుకుంది.

ఇవి మాత్రమే కాకుండా ఈ మధ్యకాలంలో తెలుగులో రిలీజ్ అయ్యే పెద్ద పెద్ద సినిమాలు అన్ని కూడా ఓటీటీ రైట్స్ ని నెట్ ఫ్లిక్స్ భారీ ధరలు చెల్లించి సొంతం చేసుకుంటుంది. సలార్, యానిమల్ సినిమాల డిజిటల్ రిలీజ్ రైట్స్ ని కూడా నెట్ ఫ్లిక్స్ దక్కించుకుంది. ఈ రెండు సినిమాలు వరల్డ్ వైడ్ గా ప్రస్తుతం టాప్ ట్రెండింగ్ చిత్రాలుగా ఉన్నాయి.

కొత్తదనం ఉన్న కంటెంట్ కనిపిస్తే నెట్ ఫ్లిక్స్ వెంటనే ఆ మూవీ హక్కులని ఎంత రేటు అయిన చెల్లించి కొనుగోలు చేసేస్తుంది. ఇప్పుడు నేచురల్ స్టార్ నాని కొత్త మూవీ సరిపోదా శనివారం డిజిటల్ రైట్స్ నెట్ ఫ్లిక్స్ దక్కించుకుంది. ఏకంగా 45 కోట్లు పెట్టి ఈ సినిమా హక్కులని సొంతం చేసుకున్నట్లు తెలుస్తోంది. నాని సినిమాలకి ఓటీటీలో మంచి ఆదరణ వస్తోన్న నేపథ్యంలో ఈ స్థాయిలో నెట్ ఫ్లిక్స్ చెల్లించడానికి ముందుకొచ్చినట్లు తెలుస్తోంది.

అంటే సరిపోదా శనివారం సినిమాకి డిజిటల్ రైట్స్ ద్వారానే 70 శాతం రికవరీ వచ్చేసినట్లు తెలుస్తోంది. వివేక్ ఆత్రేయ దర్శకత్వంలో తెరకెక్కుతోన్న ఈ చిత్రంలో ఎస్ జె సూర్య ప్రతినాయకుడిగా నటిస్తున్నాడు. ప్రియాంక అరుళ్ మోహన్ హీరోయిన్ గా నటిస్తోంది. పాన్ ఇండియా లెవల్ లో ఈ చిత్రాన్ని డివివి దానయ్య నిర్మిస్తున్నారు.