'కొమరం పులి' లేడీ ఇప్పుడేం చేస్తోంది..!

2010లో పవన్ కళ్యాణ్‌ హీరోగా వచ్చిన 'కొమరం పులి' సినిమాతో టాలీవుడ్‌ ప్రేక్షకులకు నికీషా పటేల్ పరిచయం అయింది. మొదటి సినిమాతోనే పవన్‌ కళ్యాణ్ వంటి పెద్ద హీరోతో నటించడంతో అందరి దృష్టిని ఆకర్షించింది. ఆ సినిమా విడుదలకు ముందు వరకు నికీషా గురించి మీడియాలో ప్రధానంగా చర్చ జరిగింది. కానీ ఆ సినిమా డిజాస్టర్‌గా నిలవడంతో ఆమెతో సినిమాలు చేయాలి అనుకున్న వారు డ్రాప్‌ అవ్వడంతో పాటు, ఒకటి రెండు సినిమాలు చేతి వరకు వచ్చి మిస్‌ అయ్యాయి. గతంలో ఒక ఇంటర్వ్యూలో నికీషా ఆ విషయాన్ని చెప్పుకొచ్చింది. ఆఫర్ల కోసం ప్రయత్నాలు చేస్తూ ఇండస్ట్రీలో పదేళ్లు కొనసాగింది.

తెలుగులో చేసిన మొదటి సినిమా నిరాశ పరచడంతో కన్నడంలో ఈ అమ్మడు సినిమాలు చేసింది. అక్కడ వరుసగా మూడు సినిమాలు చేసింది. ఆ సినిమాలు కన్నడ ప్రేక్షకుల్లో నికీషా కి గుర్తింపు తెచ్చి పెట్టాయి. కానీ స్టార్‌డం మాత్రం తీసుకు రాలేక పోయాయి. తెలుగులో మళ్లీ ఓం 3డి సినిమాతో రీ ఎంట్రీ ఇచ్చింది. ఆ సినిమా ఫలితం ఏంటో ప్రత్యేకంగా చెప్పనక్కర్లేదు. ఆ తర్వాత తమిళంలోనూ ఈమె ప్రయత్నాలు కొనసాగాయి. కానీ అక్కడ కూడా పెద్దగా సక్సెస్‌ దక్కలేదు. తెలుగు లో అడపా దడపా సినిమాలు చేస్తూ కెరీర్‌ ని నెట్టుకు వచ్చింది. కెరీర్‌ మొత్తం నికీషా ఎక్కువ శాతం ఫ్లాప్స్‌ తోనే నెట్టుకు వచ్చింది.

తెలుగులో చివరగా 'గుంటూరు టాకీస్‌ 2' లో నటించింది. ఆ సినిమా సైతం నికీషాకి నిరాశనే మిగిల్చింది. ఆ తర్వాత కొన్నాళ్లు కోలీవుడ్‌లో సినిమాలు చేసిన ఈ అమ్మడు 2019 నుంచి పూర్తిగా సినిమా ఇండస్ట్రీకి దూరం అయింది. సినిమాల్లో నటించకున్నా రెగ్యులర్‌గా సోషల్‌ మీడియా ద్వారా ఫోటోలను షేర్‌ చేస్తూ ఉంటుంది. ఇన్‌స్టాగ్రామ్‌లో ఈమెకు 5 లక్షలకు పైగా ఫాలోవర్స్ ఉన్నారు. హీరోయిన్‌గా చేయకున్నా రెగ్యులర్‌గా ఫోటోలను షేర్‌ చేయడం ద్వారా ఫాలోవర్స్ సంఖ్య పెరుగుతూనే ఉన్నారు. హీరోయిన్ ల స్థాయిలో అందమైన ఫోటోలను షేర్‌ చేస్తూ ఉంది.

గత కొన్నాళ్లుగా సినిమాలకు, నటనకు పూర్తిగా దూరంగా నికీషా ఉంటుంది. ఫ్యామిలీతో కలిసి ఈమె యూకే లో ఉంటుంది. 2019 తర్వాత సైతం కొన్ని చిన్న సినిమాల్లో ఆఫర్లు వచ్చినా నికీషా వాటిని సున్నితంగా తిరస్కరించింది. చాలా మంది హీరోయిన్స్ కొన్నాళ్లు బ్రేక్ తీసుకుని సెకండ్‌ ఇన్నింగ్స్ మొదలు పెట్టడం మనం చూశాం. అదే విధంగా నికీషా పటేల్‌ సైతం మరికొన్నాళ్ల పాటు బ్రేక్ తీసుకుని యంగ్‌ హీరోలకు సిస్టర్ రోల్స్ తో రీ ఎంట్రీ ఇస్తే బాగుంటుంది కదా అనే అభిప్రాయంను కొందరు వ్యక్తం చేస్తున్నారు. ప్రస్తుతానికి నికీషా యూకేలో ఉంటూ ఇన్‌స్టా ద్వారా అప్పుడప్పుడు అందమైన ఫోటోలను షేర్‌ చేస్తూ ఆకట్టుకుంటూ ఉంది.