పర్ఫెక్ట్ డేట్ పట్టేసిన 'తమ్ముడు' నితిన్

టాలీవుడ్ యంగ్ హీరో నితిన్ ప్రధాన పాత్రలో శ్రీరామ్ వేణు దర్శకత్వంలో వస్తున్న సరికొత్త మూవీ తమ్ముడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ సినిమాను భారీ అంచనాల నడుమ నిర్మిస్తున్నారు. తమ్ముడు అనే టైటిల్ తోనే ఆసక్తికరంగా హైప్ క్రియేట్ చేసిన ఈ సినిమా, మహా శివరాత్రి 2025 నాటికి ప్రపంచవ్యాప్తంగా ప్రేక్షకుల ముందుకు రానుంది.

దర్శకుడు శ్రీరామ్ వేణు, నిర్మాత దిల్ రాజు కలయికలో వచ్చిన MCA - వకీల్ సాబ్ కమర్షియల్ గా మంచి సక్సెస్ సినిమాలు వచ్చాయి. ఇక ఇప్పుడు మరో అద్భుతమైన ప్రాజెక్ట్ రూపుదిద్దుకోవడంతో ప్రేక్షకుల్లో భారీ అంచనాలు నెలకొన్నాయి. ఈరోజు విడుదల చేసిన ఫస్ట్ లుక్ పోస్టర్ అందరి దృష్టిని ఆకర్షించింది. ఈ పోస్టర్‌లో నితిన్ లుంగీ ధరించి, ఒక చిన్నారిని మోసుకుంటూ కాగడా పట్టుకుని పరుగెత్తుతున్న దృశ్యం ఎంతో పవర్‌ఫుల్ గా ఉంది.

అతని వెనుక గ్రామస్తులు కాగడాలు పట్టుకుని పరుగెడుతూ కనిపించడం ఆసక్తిని రేకెత్తిస్తుంది. ప్రతి ఒక్కరూ సీరియస్ ఎక్స్‌ప్రెషన్స్‌తో కనిపించడంతో ఈ సినిమాలో ఏముందనే క్యూరియాసిటీ పెరిగిపోతుంది. పోస్టర్ డిజైన్ సాంకేతికంగా, కళాత్మకంగా ఉన్నట్లు స్పష్టంగా తెలుస్తుంది. తమ్ముడు చిత్రానికి శ్రీరామ్ వేణు దర్శకత్వం వహిస్తున్నారు. ఆయన గతంలో చేసిన మిడిల్ క్లాస్ అబ్బాయి (MCA), వకీల్ సాబ్ వంటి చిత్రాలు బ్లాక్‌బస్టర్ హిట్స్ కావడంతో ఈ సినిమాపై అంచనాలు మరింత పెరిగాయి.

తమ్ముడు చిత్రంలో నితిన్ పాత్ర కొత్త తరహాలో ఉండబోతుందని తెలుస్తోంది. గ్రామీణ నేపథ్యంలో ఆయన లుంగీ గెటప్‌లో కనిపించడంతో ఈ చిత్రం పూర్తి మాస్ ఎంటర్టైనర్‌గా ఉంటుందని అభిమానులు ఆశిస్తున్నారు. ఈ సినిమాలో ప్రముఖ నటి లయ కీలక పాత్ర పోషిస్తున్నారు. ఆమె చాలా కాలం తరువాత తెలుగు తెరకు రీ ఎంట్రీ ఇస్తోంది. ఈ చిత్రం కోసం ప్రసిద్ధ సినిమాటోగ్రాఫర్ కేవీ గుహన్ కేబరా వర్క్ చేస్తున్నాడు.

ముఖ్యంగా మహా శివరాత్రి వంటి పర్వదినం రోజున విడుదల కావడం సినిమాకి అదనపు ఆకర్షణగా నిలుస్తుంది. అలాగే, ప్రముఖ ఎడిటర్ ప్రవీణ్ పూడి ఈ సినిమా ఎడిటింగ్ పనులను చేపడుతున్నారు. ఇప్పటికే మూడు సినిమాలతో ఈ ప్రొడక్షన్ హౌస్‌తో కలిసి పనిచేసిన నితిన్, ఈ చిత్రం ద్వారా మరోసారి ప్రేక్షకులను ఆకట్టుకోనున్నాడు. ఇటీవల విడుదలైన పోస్టర్ లో కనిపించిన ఎమోషనల్ ఎలిమెంట్స్, యాక్షన్ సీన్స్ ఈ సినిమాపై ప్రేక్షకులలో మంచి అంచనాలను నెలకొల్పాయి. సాంకేతికంగా, కళాత్మకంగా ఉన్న ఈ చిత్రం నితిన్ కెరీర్ లో మరో మైలురాయిగా నిలుస్తుందని అభిమానులు ఆశిస్తున్నారు.