తాత సినిమాలాపై తారక్ కోరిక ఏ రేంజ్ లో ఉందంటే..

యంగ్‌ టైగర్ ఎన్టీఆర్‌కు తన తాత ఎన్టీ రామారావుతో గల సినిమాలపై ఎన్నోసారి చర్చలు జరిగినా, అతను ఇప్పటివరకు పూర్తిస్థాయి పౌరాణిక చిత్రాన్ని చేయలేదు. అయితే తాజాగా ఇచ్చిన ఇంటర్వ్యూలో తారక్ చేసిన కామెంట్లు నందమూరి అభిమానులకు కొత్త ఆశలు నూరుస్తున్నాయి. పౌరాణికతలో ఎన్టీఆర్ సినిమాలు చేయగలిగితే మాములుగా ఉండదు. మోడర్న్ టచ్‌లో అదే ఒరవడిని కొనసాగించగలిగే ఆర్హత తారక్‌కు ఉంది అనే అభిప్రాయం చాలాకాలంగా నడుస్తోంది.

కానీ తారక్ మాత్రం ఇంతవరకు మామూలు మాస్ కమర్షియల్ చిత్రాలతోనే తన మార్క్ ను చూపిస్తూ వస్తున్నాడు. వాస్తవానికి తన కెరీర్ ఆరంభ దశలో తారక్ అనేక సందర్భాల్లో తన తాత చిత్రాల్లోని డైలాగ్స్‌ని మళ్ళీ చెప్పడం, పాటలను రిపీట్ చేయడం చేశాడు. యమదొంగ వంటి సినిమాతో యమగోల గుర్తులను హైలెట్ చేశాడు. కానీ పక్కా పౌరాణిక ఫిలిం మాత్రం చేయలేదు. ఎందుకంటే ఇలాంటి పాత్రలు చెయ్యాలంటే తాత స్థాయికి అనుగుణంగా చేయాల్సి ఉంటుంది.

దానికి దర్శకుడు, నిర్మాత మాత్రమే కాదు... సమయానుకూలత, మార్కెట్ అంచనాలు అన్నీ సరిగా ఉండాల్సి ఉంటుంది. తాజాగా ఓ ఇంటర్వ్యూలో తారక్ ఈ విషయంలో ఆసక్తికర వ్యాఖ్యలు చేశాడు. “తాతగారి సినిమాల్లో రీమేక్ చేయడం నాకు ఎంతో గౌరవం. కానీ సరైన దర్శకుడు, నిర్మాత లాంటి కాంబినేషన్ కలిసొస్తేనే దీన్ని చేయగలను. ఆయన పౌరాణిక ప్రస్థానానికి తగిన విలువ కలిగిన సినిమా చేయాలి. అవకాశమొస్తే తప్పకుండా చేయడానికే సిద్ధం,” అని తారక్ చెప్పడం మరోసారి ఈ తలంపుల్ని రెచిపించింది.

అయితే తారక్ ఫ్యాన్స్‌కు ఇది త్వరగా జరగే విషయం కాదు. ప్రస్తుతం తారక్ చాలా ప్రాజెక్టుల్తో బిజీగా ఉన్నాడు. హృతిక్ రోషన్‌తో కలిసి చేస్తున్న వార్ 2, ప్రశాంత్ నీల్ దర్శకత్వం వహిస్తున్న డ్రాగన్, కొరటాల శివతో కలిసి దేవర 2 వంటి భారీ ప్రాజెక్టులు లైన్‌లో ఉన్నాయి. ఇవన్నీ పూర్తవ్వడానికి కనీసం మూడేళ్ల సమయం పడుతుంది. దాంతో, తాత కథల్లో రీమేక్ అయ్యే అవకాశం ఇప్పట్లో కనిపించడం లేదు.

కానీ తారక్‌ని మోడ్రన్ ఎరాలో శ్రీకృష్ణుడిగా, శివుడిగా, రాముడిగా స్క్రీన్‌పై చూసే కోరిక అభిమానులలో గట్టిగానే ఉంది. ఎన్టీఆర్ చేసిన పాత్రలను తారక్ నూతన రూపంలో చేయగలిగితే, అది ఫ్యాన్స్‌కి పెద్ద గిఫ్ట్ అవుతుంది. టెక్నికల్‌గా ముందున్న ఈ జనరేషన్‌కి గ్రాఫిక్స్‌తో పాత కథను చెప్పడం కొత్త అనుభూతిని ఇస్తుంది. పైగా తారక్‌కు ఉన్న నటనా సత్తా, డైలాగ్ డెలివరీ పౌరాణిక పాత్రలకు పర్ఫెక్ట్ ఫిట్ అవుతాయి. మొత్తానికి తారక్ గుండెల్లో తాత కథలకు గౌరవం ఎంత ఉందో మరోసారి స్పష్టమైంది. ఇప్పట్లో ఈ ప్రయాణం ప్రారంభం కాకపోయినా, భవిష్యత్తులో ఒకరోజు ఎన్టీఆర్ స్టైల్‌లో పౌరాణిక విజన్‌కి మోడ్రన్ మేకోవర్ ఇవ్వడం పక్కా అని చెప్పవచ్చు.