అభినందనలు బావా.. బ‌న్నీకి ఎన్టీఆర్ విషెస్
అవార్డులకు మీరు అర్హులు'' అని ఎన్టీఆర్ సోష‌ల్ మీడియాలో ప్రశంసలు కురిపించారు.
'పుష్ప: ది రైజ్'లో తన అద్భుతమైన నటనకు బ‌న్ని 69వ జాతీయ చలనచిత్ర అవార్డులలో ఉత్తమ నటుడిగా ఎంపికయ్యారు. అల్లు అర్జున్ ఈ గౌరవనీయమైన అవార్డును అందుకున్న మొదటి తెలుగు నటుడు కావడం గర్వకారణం.
అల్లు అర్జున్ పుర‌స్కార గ్ర‌హీత అయిన ఈ శుభ‌సంద‌ర్భంలో టాలీవుడ్ నుంచి సినీ ప్రముఖులు ప్రశంసలు కురిపించారు. అంత‌ర్జాలం శుభాకాంక్ష‌ల‌తో హోరెత్తుతోంది.
RRRలో కొమరం భీమ్‌గా నటించిన పోటీదారు జూనియర్ ఎన్టీఆర్ ఇంత‌లోనే అభినందనలు బావా.. అంటూ అల్లు అర్జున్ కు శుభాకాంక్ష‌లు తెలిపాడు. బన్నీని 'బావా' అంటూ ఎన్టీఆర్ ప్రేమ‌గా పిలిచాడు. ఆ ఇద్ద‌రి మ‌ధ్యా అనుబంధం క్లోజ్ నెస్ ఇప్పుడు మ‌రింత‌గా బ‌హిర్గ‌తం అయింది.
''అభినందనలు @alluarjun బావా. #పుష్ప చిత్రంతో మీరు సాధించే అన్ని విజయాలకు అభినందనలు. అవార్డులకు మీరు అర్హులు'' అని ఎన్టీఆర్ సోష‌ల్ మీడియాలో ప్రశంసలు కురిపించారు. ఆర్.ఆర్.ఆర్ ద‌ర్శ‌కుడు ఎస్ఎస్ రాజమౌళి కూడా ఈ అరుదైన ఫీట్ సాధించిన బన్నీని అభినందించారు. 'పుష్పా... తగ్గేదే లే. అభినందనలు బన్నీ'' అని రాజమౌళి సోష‌ల్ మీడియాల్లో రాసారు.