అల్ట్రా స్టైలిష్ లుక్‌లో ఎన్టీఆర్​.. కిర్రాక్!

మరోసారి అల్ట్రా స్టైలిష్ లుక్‌లో అభిమానుల‌కు ద‌ర్శ‌న‌మిచ్చారు యంగ్ టైగర్ జూనియర్ ఎన్టీఆర్. ఆయన కొత్త ఫొటోషూట్ సోష‌ల్ మీడియాలో ఫుల్ వైర‌ల్ అవుతోంది. ఆర్ఆర్ఆర్ త‌ర్వాత సినిమాల‌కు ఏడాదికిపైగా గ్యాప్ ఇచ్చిన తారక్​.. ప్ర‌స్తుతం దేవ‌ర‌ చిత్రంతో బిజీగా ఉన్నారు. ఈ సినిమా షూటింగ్​పై పూర్తి ఫోక‌స్ పెడుతూనే మరోవైపు అడ‌పాద‌డ‌పా యాడ్స్ షూటింగ్‌లలోనూ పాల్గొంటున్నారు.

రీసెంట్​గా ఎన్టీఆర్ దుబాయ్​కు వెళ్లిన విషయం తెలిసిందే. దుబాయ్ వేదికగా సెప్టెంబరు 15, 16 తేదీల్లో జరిగిన సౌత్ ఇండియన్ ఇంటర్నేషనల్ మూవీ అవార్డ్స్(సైమా 2023) వేడుకల్లో ఆయన పాల్గొని సందడి చేశారు. ఆర్​ఆర్​ఆర్​ చిత్రానికి గానూ బెస్ట్ యాక్టర్ అవార్డును సొంతం చేసుకున్నారు. అక్కడ కూడా స్టేజ్​పై మోస్ట్ స్టైలిష్ లుక్​లో కనిపించి ఆ ఈవెంట్​కే స్పెషల్ అట్రాక్షన్​గా నిలిచారు. టాప్​ టు బాటమ్ బ్లాక్ కలర్ సూట్​లో రాయల్ లుక్​లో కనిపించారు. రీసెంట్​గానే హైదరాబాద్​ తిరిగి వచ్చారు.

తాజాగా ఇప్పుడు మరోసారి సేమ్ అదే డ్రెస్​లో దిగిన ఫొటోషూట్​ను బయటకు వచ్చింది. మళ్లీ అదే రాయల్ లుక్​లో బ్లాక్ కలర్ ప్యాంట్, జాకెట్ లోపల షర్ట్, చేతికి వాచ్​.. అల్ట్రా సూపర్ స్టైలిష్​గా ఉన్నారు. ముఖంలో.. అసలు ఆయన మొత్తం లుక్​ను చూస్తుంటే నిలువెత్తు రాజసం ఒట్టి పడుతోంది. ఒక ఫొటోలు ఆయన నిల్చొని కనిపించగా.. రెండో పిక్​లో కాలు మీద కాలేసుకుని దర్జాగా కూర్చొని కనిపించారు.

ప్రస్తుతం ఈ లుక్స్​ నెట్టింట్లో చక్కర్లు కొడుతున్నాయి. అభిమానులను బాగా ఆక్టటుకుంటున్నాయి. ఫ్యాన్స్ వాటికి లైక్స్​, కామెంట్స్ పెడుతూ తెగ షేర్ చేస్తున్నారు. వాటిని చూసి మురిసిపోతున్నారు. కాగా ప్రస్తుతం నటిస్తున్న దేవ‌ర సినిమాకు కొర‌టాల శివ ద‌ర్శ‌క‌త్వం వ‌హిస్తున్నారు. స‌ముద్ర తీర ప్రాంత ప్ర‌జ‌లకు అండ‌గా నిలిచే ఓ యోధుడి పాత్ర‌లో ఆయన కనిపించనున్నారు.

సినిమాలో ఎన్టీఆర్‌కు జోడీగా జాన్వీక‌పూర్ న‌టిస్తోంది. ఈ సినిమాతోనే ఆమె టాలీవుడ్‌ ఎంట్రీ ఇవ్వ‌బోతుంది. బాలీవుడ్ న‌టుడు సైఫ్ అలీఖాన్ విల‌న్‌గా న‌టిస్తున్నారు. వ‌చ్చే ఏడాది ఏప్రిల్ 5న ఈ సినిమా రిలీజ్ కానుంది.